جاستار ەكسترەميزمنىڭ قارا نيەت ىستەرىنە تارتىلماۋى ءتيىس - ت. ءال- انساري
«ءبىزدىڭ جاستار ۇرانشىلدىققا ۇرىنىپ، ەكسترەميزمنىڭ قارا نيەتتى ىستەرىنە تارتىلماۋى ءتيىس. جاستار بارشا قوعامعا پايدا اكەلەتىندەي اق جولدا ءتالىم- تاربيە الىپ، ءوزىن- ءوزى دامىتۋى قاجەت» ، - دەپ اتاپ ءوتتى ول.
ت. ءال- انساري ءوز سوزىندە جاستارعا ساپالى ءبىلىم بەرۋ ماڭىزدىعىنا دا ەرەكشە توقتالىپ، سەزد جۇمىسىندا وسى ماسەلەگە دە باسا نازار اۋدارۋ قاجەتتىگىن اتاپ ءوتتى.
«ءبىز ءبىلىم سالاسىندا دا وتە جاقسى مۇمكىنشىلىكتەردىڭ بولۋىن قالايمىز. ويتكەنى، ءبىلىم تەك جازۋ مەن وقۋ عانا ەمەس. سوندىقتان ءبىلىم بەرۋ ىسىندە جاستاردى بەيبىت ءومىر سۇرۋگە ۇيرەتۋگە دە نازار اۋدارعان ءجون» ، - دەدى مارتەبەلى مەيمان.
ايتا كەتەيىك، وتىرىس بارىسىندا الەمدىك جانە ءداستۇرلى دىندەر كوشباسشىلارى 5- سەزىنىڭ كۇن ءتارتىبى بەلگىلەنىپ، سەزد قاتىسۋشىلارى دەكلاراتسياسىنىڭ جوباسى ماقۇلدانىلادى دەپ كۇتىلۋدە. سونىمەن قاتار الەمدىك جانە ءداستۇرلى دىندەر كوشباسشىلارى سەزى حاتشىلىعىنىڭ 15- جانە سەزدىڭ 6- وتىرىستارىن وتكىزۋ مەرزىمى انىقتالاتىن بولادى. مۇنان بولەك، جيىن سوڭىندا حاتشىلىقتىڭ حاتتاماسىن قابىلداۋ جوسپارلانۋدا.
اۆتور: مارلان جيەمباي
