تولاسسىز جاۋىننان الماتىنىڭ بىرنەشە كوشەسىن سۋ باستى - فوتو، كەسكىن

استانا. قازاقپارات - الماتىدا تولاسسىز جاۋىننىڭ سالدارىنان بىرنەشە كوشەنى سۋ باستى، - دەپ حابارلايدى Tengrinews.kz ءتىلشىسى.

تاڭەرتەڭنەن بەرى ءال- فارابي، رايىمبەك جانە رىسقۇلوۆ داڭعىلدارىندا، تولە ءبي كوشەسىندە قوزعالىس قيىندادى. قالادا كەپتەلىس بولىپ جاتىر.

«ءال- فارابي داڭعىلىنىڭ فۋرمانوۆ كوشەسىمەن قيىلىسىندا ەكى باعىتتا دا جول ءجۇرۋ مۇمكىن ەمەس. سۋ بەلشەدەن. جەڭىل اۆتوموبيلدەر سۋعا باتىپ قالدى. جول-قوزعالىسى توقتاپ قالدى. ءجۇرۋ باعىتتارىڭىزدى تۇزەپ الىڭىزدار»، - دەپ جازدى الەۋمەتتىك جەلى قولدانۋشىلارىنىڭ ءبىرى.

ەسكە سالا كەتەيىك، وسىعان دەيىن الماتىدا جاڭبىر جاۋىپ، قاتتى داۋىل تۇرعان بولاتىن. سالدارىنان 15 ادام زارداپ شەكتى. اعاشتاردىڭ قۇلاۋىنان ولار ءتۇرلى جاراقات العان. ت ج د باسپا ءسوز قىزمەتىنىڭ حابارلاۋىنشا، زارداپ شەككەندەردىڭ ىشىندە ەكى بالا بار.