موڭعوليا قازاقتارى ۇلان- باتىر مەن استانا اراسىنداعى «التىن كوپىر» - موڭعوليا ۇلى قۇرىلتاي دەپۋتاتى ءا. تىلەيحان

ۇلان- باتىر. قازاقپارات - موڭعولياداعى قازاق دياسپوراسى ۇلان- باتىر مەن استانا اراسىن بايلانىستىراتىن «التىن كوپىر» مىندەتىن اتقارادى. بۇل تۋرالى قازاقپارات تىلشىسىنە موڭعوليا ۇلى قۇرىلتاي (پارلامەنتى) مۇشەسى تىلەيحان المالىك ۇلى ايتتى.

«موڭعولياداعى قازاق دياسپوراسى ەكى ەل ارا قاتىناسىنا دانەكەر، «التىن كوپىر» بولىپ وتىر. ءبىز قازاق ۇلتىنىڭ قۇرامداس ءبىر بولىگى بولعاندىقتان، قازاقستاننىڭ اتاق- ابىرويىنىڭ اسقاقتاپ، ەكونوميكاسىنىڭ دامي بەرۋىنە تىلەكتەسپىز» ، - دەدى ول.

وسى ورايدا ءا. تىلەيحان موڭعولياداعى قازاقستان رەسپۋبليكاسىنىڭ توتەنشە جانە وكىلەتتى ەلشىسى قالىبەك قوبىلاندينگە العىسىن ايتتى. «ق. قوبىلاندين ءبىزدىڭ قازاق دياسپوراسىنا بايلانىستى زور ىستەردى اتقارۋدا. سوندىقتان وسى ىستەردى ءالى دە پارمەندەندىرۋگە قازاقستان ەلى تاراپىنان قولعابىس جاسالسا ءبىزدىڭ ءارى قارايعى قاتىناسىمىزدىڭ ناتيجەسى مول بولماق» ، - دەدى ول.

المالىك ۇلى تىلەيحان 1955 -جىلى بايان- ولگي ايماعىندا تۋىلعان. 1976 -جىلى موڭعوليا مەملەكەتتىك ۋنيۆەرسيتەتىن وندىرىستىك جىلۋمەن قامتاماسىز ەتۋ ينجەنەرى ماماندىعى، 1989 -جىلى ەكونوميكالىق كەشكى ۋنيۆەرسيتەت وندىرىستىك ەكونوميست بويىنشا ءتامامداعان.

2008-2012 -جىلدارى موڭعوليا پارلامەنتىنىڭ الەۋمەتتىك ساياسات، ءبىلىم، مادەنيەت، عىلىم ماسەلەلەرى بويىنشا تۇراقتى كوميتەتىنىڭ باستىعى بولدى.

 1991 -جىلى حالىق ريەۆوليۋتسيالىق 70 جىلدىق مەدالى، 1993 -جىلى ەنەرگەتيكا سالاسىنىڭ وزات قىزمەتكەرى، 2001 -جىلى حالىق ريەۆوليۋتسياسىنىڭ 80 جىلدىق مەدالى، 2005 -جىلى ەڭبەك قىزىل تۋ وردەنىمەن ماراپاتتالعان. 2014 -جىلى موڭعوليانىڭ ونەركاسىپ سالاسىنىڭ قايراتكەرى اتاعىن العان.

 

 سادىق اكىجانوۆ