10:50, 10 - ماۋسىم 2015 | GMT +5
ءدىني ليدەرلەر كەڭەسىنىڭ قۇرامى وزگەردى
استانا. قازاقپارات - ق ر پرەزيدەنتى نۇرسۇلتان نازاربايەۆتىڭ قاتىسۋىمەن ءوتىپ جاتقان الەمدىك جانە ءداستۇرلى دىندەر كوشباسشىلارىنىڭ 5- سەزى اياسىنداعى ءدىني ليدەرلەر كەڭەسىنىڭ 2- وتىرىسىندا اتالعان كەڭەس قۇرامى وزگەردى.
بۇل جايىندا ق ر پارلامەنتى سەناتىنىڭ ءتوراعاسى قاسىم-جومارت توقايەۆ ءمالىم ەتتى.
ول ءوز سوزىندە ءدىني ليدەرلەر كەڭەسىنىڭ 2- وتىرىسىنا قاتىسىپ ءسوز سويلەگەن ەلباسى نۇرسۇلتان نازاربايەۆقا شىنايى العىسىن ءبىلدىرىپ ءوتتى.
ق. توقايەۆتىڭ اتاپ وتۋىنشە، كەڭەس قۇرامىنا دۇنيەجۇزىلىك يسلام مازحابتارىنىڭ جاقىنداستىرۋ اسسامبلەياسىنىڭ باس حاتشىسى موحسەن مۇحاممادي اراكي، يزرايلدىڭ باس سەفارد راۆۆينى يتسحاك يوسەف، انگليكانسك شىركەۋىنىڭ باسشىسى، كونتەربەرييسك ارحيەپيسكوپى دجاستين ۋەلبي، قازاقستان مۇسىلماندارى ءدىني باسقارماسىنىڭ ءتوراعاسى، باس ءمۇفتي ەرجان قاجى مايامەروۆ كىردى.
اۆتور: مارلان جيەمباي
