الەمدە بىرنەشە ادام عانا وقي الاتىن ارابشا قۇجات قالىپقا كەلتىرىلدى
ءبىر قىزىعى، وندا جازىلعان سيريالىق ارامەي ءتىلىنىڭ ارىپتەرىن تانىپ، وقيتىن ادامدار سانى بۇكىل الەم بويىنشا ساۋساقپەن عانا سانارلىق ەكەن. بۇل قۇجات ازامات سوعىسى شارپىعان سيريا جەرىندە تونالعان جوعارى مادەني مۇراعاتتىڭ سارقىنشاعى، دەپ اتاپ كورسەتتى espanarusa.com. ال بۇل كودەكستىڭ قالاي قولىنا تيگەندىگىنە توقتالعان عالىم «قولجازبانى ءبىر تانىسىنان العاندىعىن، ءبىراق ول تانىسقا قۇجات جەتەم دەگەنشە دە بىرنەشە قولدان وتكەندىگىن» ايتتى.
عالىم قىرعىن سوعىسقا تاپ كەلگەن سيريا مەن يراك جەرىندەگى جاعدايدى پايدالانعان توناۋشىلار باعا جەتكىزسىز قۇندى تاريحي جادىگەرلەردى تيىنعا ساتىپ الىپ، سىرتقا شىعارىپ، وتە قىمباتقا وتكىزىپ جاتقاندىعىنا قىنجىلادى. حۋان پەدرو مونفەررە ءوزى اۋدارعان اراب تىلىندەگى ءماتىندى مۇراجايعا قويىپ، ادامزات يگىلىگىنە جاراتۋدى سۇرادى.
