الاپات داۋىل اعاشتاردى قۇلاتىپ، ۇيلەردىڭ شاتىرىن ۇشىرىپ اكەتتى - فوتو

استانا. قازاقپارات - قىرعىزستان استاناسىندا بولعان الاپات داۋىل اعاشتاردى جانە بيلبوردتاردى قۇلاتىپ، ۇيلەردىڭ شاتىرىن ۇشىرىپ اكەتتى. بىرنەشە ماشينا زاقىمداندى، دەپ حابارلايدى كيرتاگ.

بىشكەكتەگى نايزاعاي ويناپ، نوسەر جاڭبىرمەن قوسىلا سوققان كۇشتى جەل كەشە شامامەن 20:00 دە باستالىپ، ءبىر ساعاتقا سوزىلدى.

ينتەرنەت پايدالانۋشىلاردىڭ حابارلاۋىنشا، گوركيي مەن بايتىق بااتىر كوشەلەرىنىڭ قيىلىسىندا جارنامالىق شيت، گوركيي مەن بەيبىتشىلىك داڭعىلى قيىلىسىندا ەلەكتر باعاناسى قۇلاعان، ال باقايەۆ-گاگارين كوشەلەرىنىڭ قيىلىسىندا قۇلاعان اعاش جولدى جاۋىپ قالعان. بىرنەشە ماشينا زاقىمدانعان. سونداي-اق ەلەكتر سىمدارى دا ۇزىلگەن. قالانىڭ كەي اۋداندارىندا ەلەكتر جەلىلەرى ىستەن شىققان، كەيبىر ۇيلەردىڭ شاتىرلارىن جەل ۇشىرىپ اكەتكەن.

توتەنشە جاعداي مينيسترلىگىنىڭ دەرەكتەرىنە قاراعاندا، جەلدىڭ جىلدامدىعى سەكۋندىنا 28 مەترگە جەتكەن.