باتىس قازاقستاندا شەكارا بۇزعاندار ۇستالدى

استانا. قازاقپارات - باتىس قازاقستان وبلىسىنداعى «پوگادايەۆ» شەكارا بەكەتىنىڭ اۋماعىندا وزبەكستان جانە تاجىكستان ەلىنىڭ ەكى ازاماتى قولعا ءتۇستى.

ەل شەكاراسىنان زاڭسىز وتكەنى ءۇشىن ولارعا 5 ايلىق ەسەپتىك كورسەتكىش مولشەرىندە ايىپپۇل سالىندى. ءدال وسىنداي شارا بالىق اۋلاۋدىڭ قىزىعىنا ءتۇسىپ، شەكارا اسىپ كەتكەنىن اڭداماي قالعان باتىس قازاقستاندىق ەكى تۇرعىنعا دا قولدانىلدى.

اداسىپ كەتكەنىن كەش اڭعارعان ولار ورىنبور وبلىسىنىڭ توتەنشە جاعدايلار جونىندەگى قىزمەتىنە حابارلاسقان. كەيىن قازاقستاندىق شەكاراشىلاردىڭ كومەگىمەن تابىلىپ، ەلگە قايتارىلدى.

ماناربەك قارەكەنوۆ، 2029 اسكەري ءبولىمىنىڭ قىزمەتكەرى:

- ونىڭ بىرەۋى 20 جاستاعى ازامات بولسا، ەكىنشىسى كامەلەتتىك جاسقا تولماعان جاسوسپىرىم بولىپ شىقتى. مەملەكەتتىك شەكاراعا جاقىن جەردە اداسقان ەكى ازامات تا جەدەل تۇردە اقساي شەكارا زاستاۆاسىنا جەتكىزىلدى.

www.24.kz