قازاقستاندىق عالىمدار تۇيە شارۋاشىلىعىنىڭ وزەكتى ماسەلەلەرىن تالقىلادى
شارا «ISOCARD Kazakhstan» قوعامدىق قورىمەن بىرگە ۇيىمداستىرىلدى.
بۇرىن اتالعان فورۋمدار ب ا ءا، تۋنيس، ومان سۇلتاناتىندا وتكىزىلىپ كەلگەن.
قازاقستان عالىمدارى، زەرتتەۋشىلەرى مەن تۇيە وسىرۋشىلەرى جاھاندىق كليماتتىڭ وزگەرۋى، شولەيتتەنۋ جانە جەر بەتىندەگى ادام سانىنىڭ ءوسۋى، ازىق-تۇلىك قاۋىپسىزدىگى ماسەلەلەرىن تالقىلاۋدا.
تۇيە شارۋاشىلىعى قازاقستاندا جاقسى دامىعان. مۇندا قوس وركەشتى جانە ءبىر وركەشتى تۇيەلەردى ءوسىرۋ ءداستۇرى ساقتالعان. وسى ءداستۇر شەتەلدىك مامانداردىڭ اسا زور قىزىعۋشىلىعىن تۋدىرىپ وتىر.
«قازاقستان سان عاسىرلار بويى باتىس پەن شىعىستى بىرىكتىرگەن ۇلى جىبەك جولىنىڭ بويىندا جاتىر. بۇل جولدىڭ باستى سيمۆولى - تۇيە جانۋارى. تۇيە وتە ءتوزىمدى جانۋار. ول اپتالاپ سۋ ىشپەي جۇرە الادى. جاھاندىق كليماتتىڭ وزگەرۋى، اسىرەسە، شولەيتتەنۋ ۇدەرىسى كەزىندە ولاردى اسىراپ باعۋدىڭ ماڭىزى ارتا تۇسەدى. سونىڭ ىشىندە، ادامزاتتىڭ ازىق-تۇلىك قاۋىپسىزدىگى ماسەلەلەرى جانە بار. وسىنداي ماڭىزدى شارانىڭ قازاقستاندا ءبىزدىڭ ۋنيۆەرسيتەتىمىزدە ءوتىپ جاتقانىنا وتە قۋانىشتىمىن»، - دەدى ج و و رەكتورى عالىم مۇتانوۆ.
اۆتور: گۇلميرا عوسمانالي
