13:29, 08 - ماۋسىم 2015 | GMT +5
بايان ەسەنتايەۆا قولاستىنداعى بويجەتكەندەردى «باعدارشامعا» تەڭەگەندەرگە جاۋاپ قايتاردى
استانا. قازاقپارات - تانىمال پروديۋسەر بايان ەسەنتايەۆا قولاستىنداعى بويجەتكەندەردى تىم اشىق تۇستەرگە كيىنگەنى ءۇشىن «باعدارشامعا» تەڭەگەندەرگە جاۋاپ قايتاردى. پروديۋسەر قازاق قىزدارىنىڭ شىعىستىق ءستيلىن ەۋروپالىق مينيماليزمگە اۋىستىرا قويمايتىنىن ايتتى.
«ءبىزدى كوپشىلىگى «باعدارشامعا» تەڭەپ، اشىق ءتۇستى كيىمدەر، سترازدار مەن كەستەلەۋلەر ءۇشىن سىنعا الدى. بۇل مەنىڭ بىزدەر شىعىس ادامدارىمىز دەگەن ويىمدى ەش وزگەتە قويماس دەپ ويلايمىن. سول سەبەپتى، ءبىز ءسان-سالتاناتتى كۇيدە شىققانعا اسا ءمان بەرەمىز. بۇل ءبىزدىڭ ەرەكشەلىگىمىز. ءبىزدىڭ سۇلۋلىققا دەگەن كوزقاراسىمىز»، - دەيدى ەسەنتايەۆا ءوز ينستاگرام پاراقشاسىندا.
پروديۋسەر بۇل تاڭداۋلارىنا ءتىپتى رەسەيلىك جۇلدىز كسەنيا سوبچاك تا اسەر ەتە المايتىنىن جاسىرمادى.
«مەن جۇمىسقا سترازدار مەن مامىققا ورانىپ كەل دەمەيمىن. ءبىراق كوپشىلىك الدىندا شىعاردا سوبچاك بىزگە گۋرۋ بولا المايدى. ءتىپتى، ماعان ونىڭ ەۋروپالىق تالعامى ۇنايتىنى دا پىكىرىمدى وزگەرتپەيدى!» - دەدى ەسەنتايەۆا.
Alashainasy.kz
