قازاقستانداعى ەڭ ۇزىن ادامدار الماتىدا بوي ولشەپ، جارىستى - فوتو

استانا. قازاقپارات - قازاقستان بويىنشا ەڭ ۇزىن ادامدار بىرىگىپ، كلۋب اشپاق. ولار بۇعان دەيىن ءبىر-ءبىرىن الەۋمەتتىك جەلىلەر ارقىلى تاپقان.

مۇندا كەلگەن بويجەتكەندەردىڭ بويى كەم دەگەندە 1,80 سانتيمەتر، ال جىگىتتەردىڭ بويى 1,90 سانتيمەتردەن جوعارى بولۋى كەرەك ەكەن.

«قازىر بويىنان ىڭعايسىزدىق كورەتىندەر كوپ. ولار اسىرەسە جار تاڭداعاندا كوپ قيىندىققا تاپ بولادى. قوعامدىق كولىكتەردە وزگەلەر ساۋساعىن شوشايتىپ كورسەتكەننەن بولەك، قازىرگى كىشكەنتاي اۆتوبۋستارعا وتىرۋ، تۇرۋ جاعى ىڭعايسىز.

«اياعى ۇلكەن سىيعانىن، اياعى كىشى تاڭداعانىن» كيەدى دەۋشى ەدى عوي. ءبىزدىڭ باسىمىزدا تۋرا سول جاعداي. قازاقستاندا سۇڭعاق بويلىلار كيىم الۋدان قينالادى. ارنايى تاپسىرىسپەن الار بولساق قىمباتقا تۇسەدى»، - دەپ قيىندىقتارىمەن ءبولىستى ۇيىمداستىرۋشىلاردىڭ ءبىرى.

بۇل كلۋبتا ۇزىن بويلىلار ورتاق ماسەلەنى بىرىگىپ شەشۋگە تىرىسپاق. الماتىداعى 28 گۆاردياشىل-پانفيلوۆشىلار ساياباعىنداعى كەزدەسۋگە 30 عا جۋىق ازامات كەلىپتى. ولاردىڭ دەنى كاسىبي سپورت تۇرلەرىمەن اينالىسادى ەكەن. ال ازداعان بولىگى ءوز ماماندىعى بويىنشا ەكونوميكا، زاڭ سالاسىندا قىزمەت ەتەدى.

ال مۇنداعى بويجەتكەندەردىڭ كوپشىلىگى مودەل.

كەرىموۆا اميرا 23 جاستا. بويى -  1.80 سانتيمەتر. ول كامەلەت جاسقا تولعاننان باستاپ سىرتقى كەلبەتىنىڭ سۇلۋلىعى مەن بويىنىڭ سۇڭعاقتىعىنىڭ ارقاسىندا كاسىبىن تاپقان.

Nur.kz