ەتنو مۋزىكانت ەدىل قۇسايىنوۆ استانادا ونەر كورسەتەدى
دەپ حابارلادى استانا قالالىق مادەنيەت باسقارماسىنىڭ باسپا ءسوز قىزمەتى.
ەدىل قۇسايىنوۆ كورەرمەندەرگە بىرەگەي كونسەرتتىك باعدارلاما دايىندادى. كەش قوناقتارىن بي ۇجىمدارىنىڭ اسەم ونەرى، ۇلتتىق اسپاپتاردىڭ سۇيەمەلدەۋىمەن ورىندالاتىن تەاترلاندىرىلعان قويىلىمدار كۇتىپ تۇر. كونسەرتتە «مەرەكە»، «التىن وردا»، «بابالار سازى» كلاسسيكالىق كۇيلەرى، سونداي- اق ەتنيكالىق مۋزىكانى ءسۇيىپ تىڭدايتىندار ءۇشىن جاڭا كومپوزيتسيالار ورىندالادى.
شىعارماشىلىق كەشكە تانىمال كومپوزيتور رينات عايسين جانە ۆيرتۋوز- دومبىراشى اسىلبەك ەڭسەپوۆ سىندى ەدىل قۇسايىنوۆتىڭ دوستارى دا قاتىسادى. كونتسەرتتىڭ ارنايى قوناعى - بەلگىلى مۋزىكانت، مولدوۆانىڭ حالىق ءارتىسى كونستانتين موسكوۆيچ.
ەدىل قۇسايىنوۆ - كومپوزيتور، سوليست- ورىنداۋشى، جەتىگەن، سىبىزعى، سازسىرناي، قامىس سىرناي، شاڭقوبىز سەكىلدى قازاقتىڭ كونە مۋزىكالىق اسپاپتارىندا وينايدى. ول ۆوكالدىڭ سيرەك كەزدەسەتىن ءتۇرى - كومەيمەن ءان ورىندايدى.
ەدىل قۇسايىنوۆ - ەۋروپا، ا ق ش جانە ازيا ەلدەرىندە وتكەن كوپتەگەن حالىقارالىق فەستيۆالدەردىڭ قاتىسۋشىسى. نيۋ- يوركتىڭ كارنەگي- حولل، ۆاشينگتونداعى كەننەدي- ورتالىعىندا جانە پاريجدەگى يۋنەسكو زالى سەكىلدى ايگىلى ورتالىقتاردا ونەر كورسەتكەن. 2006 - جىلى لوندوندىق البەرت حوللدا جانە توكيودا شىعارماشىلىق كەشىن وتكىزگەن.
ەدىل قۇسايىنوۆتىڭ شىعارماشىلىعى - كونە زامان مەن بۇگىنگىنىڭ سينتەزى. مۋزىكانت فولكلور، ەتنو- سيمفونيكالىق جانە ەتنو- دجاز، روك- مۋزىكا جانرىندا جۇمىس ىستەيدى. «بۇلبۇل زامان» اتتى جيناقتارىنىڭ بىرەۋىن ايگىلى بيتلز - ەببي روۋد ستۋدياسىندا جازعان. «قۇراق كورپە»، «كەلىن» جانە «اڭشى بالا» كوركەم كينو كارتينالارىنا جازىلعان مۋزىكالىق تۋىندىلاردىڭ اۆتورى.
