الداعى كۇندەرى ەلىمىزدىڭ باتىس جانە سولتۇستىك وڭىرلەرىندە اۋا تەمپەراتۋراسى تومەندەيدى

استانا. قازاقپارات - رەسەيدىڭ ەۋروپالىق اۋماعىنىڭ سولتۇستىك- باتىسىنان قازاقستانعا قاراي جىلجىعان سۋىق اتموسفەرالىق اۋا اعىندارى ەلىمىزدە نايزاعاي ويناپ، كۇن كۇركىرەپ، جاۋىن- شاشىننىڭ ورىن الۋىنا، ەكپىندى جەل سوعىپ، رەسپۋبليكانىڭ باتىس، سولتۇستىك وبلىستارىندا تەمپەراتۋرانىڭ تومەندەۋىنە اكەلەدى.

«الداعى تاۋلىكتەردە قازاقستاننىڭ سولتۇستىك، ورتالىق، وڭتۇستىك- شىعىس اۋداندارىندا وسىنداي اۋا رايى ساقتالادى، ال رەسپۋبليكانىڭ باتىسىندا، وڭتۇستىگىندە جانە شىعىسىندا جاۋىن- شاشىن ازداۋ بولادى، تەمپەراتۋرا نورمادان 1-3 گرادۋسقا تومەن بولادى»، - دەپ حابارلادى « قازگيدرومەت» ر م ك.

وبلىستاردىڭ باسىم بولىگى 10, 11 - ماۋسىمدا اۋا اعىندارىنىڭ ىقپالىندا بولادى. سوندىقتان جەر- جەرلەردە كۇن كۇركىرەپ، وتكىنشى جاۋىن جاۋۋى ىقتيمال. رەسپۋبليكانىڭ وڭتۇستىك- باتىسى مەن وڭتۇستىگىندە قاتتى ىستىق بولادى دەپ كۇتىلۋدە.