سپورتشى قىز تىنىق مۇحيتىن قايىقپەن كەشىپ وتپەك

استانا. قازاقپارات - ا ق ش- تا ورلاندو قالاسىنىڭ سپورتشى قىزى سونيا باۋمشتەين جەكسەنبى، 7- ماۋسىمدا، قايىقپەن جالعىز ءجۇزىپ ساياحات جاساۋعا شىقتى، دەپ حابارلايدى Associated Press.

ول تىنىق مۇحيتىن كەشىپ وتكەن تۇڭعىش ايەل رەتىندە تاريحتا قالماقشى.

29 جاستاعى امەريكالىق سپورتشىنىڭ «يچا» اتتى قايىعى ارنايى تاپسىرىسپەن جاسالعان. ونىڭ ۇزىندىعى 7 مەترگە جۋىق، سالماعى 300 كەلىگە تارتادى، الايدا جەلكەنى دە موتورى دا جوق.

باۋمشتەين ەگەر اۋا رايى جاقسى بولسا، كۇنىنە 14-16 ساعات ەسپەكشى. ول جاپونيا جاعالاۋلارىنان سان-فرانسيسكوعا جەتۋ ءۇشىن 9,6 مىڭ كيلومەتر قاشىقتىقتى ءجۇزىپ ءوتۋى كەرەك. سپورتشى قىز ساياحاتىن قىركۇيەك ايىنىڭ سوڭىندا اياقتايمىن دەپ جوسپارلاۋدا.

ادامزات تاريحىندا تىنىق مۇحيتىن قايىقپەن ءساتتى كەشىپ ءوتۋ تۋرالى ءۇش وقيعا عانا بار. الايدا بىردە-ءبىر ايەل مۇنداي قاۋىپ-قاتەرگە تولى ساياحاتقا بۇرىن سوڭدى بارعان ەمەس.

bnews.kz