بەردىبەك ساپاربايەۆ «بوتاي» مۋزەي كەشەنىندە بولدى - فوتو

پەتروپاۆل. قازاقپارات - ق ر پرەمەر- ءمينيسترىنىڭ ورىنباسارى بەردىبەك ساپاربايەۆ سولتۇستىك قازاقستان وبلىسىنا جۇمىس ساپارى بارىسىندا «بوتاي» مۋزەي كەشەنىندە بولدى.

«ق ر پرەمەر- ءمينيسترىنىڭ ورىنباسارى بەردىبەك ساپاربايەۆ سولتۇستىك قازاقستان وبلىسىنا ساپارىن ايىرتاۋ اۋدانىنداعى رەسپۋبليكالىق دارەجەدەگى «بوتاي» مۋزەي كەشەنىنىڭ «بوتاي قونىسى» ەسكەرتكىشىن كورۋدەن باستادى»، - دەلىنگەن وبلىس اكىمىنىڭ باسپا ءسوز قىزمەتىنىڭ حابارىندا.

قونىستى 1980 - جىلى سولتۇستىك قازاقستان ارحەولوگيالىق ەكسپەديتسياسىنىڭ بارلاۋشىلار جاساعى تاۋىپ، زەرتتەگەن بولاتىن. وندا ءبىزدىڭ داۋىرىمىزدەگى IV عاسىرعا جاتاتىن 80 گە تارتا تۇرعىنجاي قالعان. ولاردىڭ ءبارى دە جەر استىندا جانە تاريحي قۇندى جادىگەرلەر.

جوبا جەتەكشىسى، پروفەسسور، تاريح عىلىمدارىنىڭ دوكتورى ۆيكتور زايبەرت وسى دالا وركەنيەتىنەن قازىرگى ۇلىستار تاراعانىن اتاپ ءوتتى. ناق وسى سولتۇستىك قازاقستاندا جىلقىلار العاش قولعا ۇيرەتىلگەن.

ۆيكتور زايبەرت بەردىبەك ساپاربايەۆقا اشىق اسپان استىنداعى بولاشاق مۋزەيدىڭ جوباسىن كورسەتتى. وندا كو
رمە پاۆيلونى، ەنتوگرافيالىق اۋىل، عىلىمي، ەمدەۋ- ساۋىقتىرۋ جانە مادەني- ساۋىق ورتالىقتارى بولماق.

بۇدان باسقا قوناقۇي مەن شاتىرلى لاگەر قۇرىلىسى كوزدەلگەن.