مادەنيەت ءمينيسترى قازاقتى ماسقارالاعان فيلمدەردى اتادى
«حوزيايەۆا» بولسىن، «ۋروكي گارمونيا» بولسىن، «ريەلتور» بولسىن كورگەن شىعارسىزدار، سىن كوتەرمەيدى. ەندى ادامدا نامىس بولۋى كەرەك قوي. قازاق حالقىن ماسقارا قىلىپ كورسەتۋ كىمگە كەرەك؟ نەگە بىزدە ءال- فارابي، ءشامشى قالداياقوۆ تۋرالى بىردە- ءبىر فيلمىمىز جوق. باۋىرجان مومىش ۇلى تۋرالى ءبىر شاعىن سەريال تۇسىردىك. نەگە كوركەم فيلم تۇسىرمەيمىز؟»، - دەدى مينيستر.
وسى رەتتە ا. مۇحامەدي ۇلى «قازاق فيلم» كينوستۋدياسىنىڭ باس رەداكتورى ديدار امانتايعا ۇلتتىق نامىسىمىزدى قورعاۋىمىز قاجەتتىگىن ەسكەرتتى.
«وسى جەردە كوپتەگەن دراماتۋرگ وتىر. سىزدەرگە ءوتىنىشىم بار، ەگەر قىزىقتى تاقىرىپتارىڭىز بولسا «قازاق فيلمنىڭ» ەسىگى ءارقاشان اشىق. «قازاق فيلم» جەكەلەگەن ادامداردىڭ مەنشىگى ەمەس، بەلگىلى ءبىر ادامداردى جيناپ العان. سولار عانا جاڭا فيلمدەر تۇسىرەدى. ال رەجيسسەرلەرگە (قازاق فيلمگە) جول جوق. بۇلاي بولماۋى كەرەك. سول رەجيسسەرلەردىڭ جىل سايىن تۇسىرگەن فيلمدەرى سىن كوتەرمەيدى. ءتىپتى، ول رەجيسسەرلەردى بىزدەر بىلمەيمىز دە»، - دەدى ول.
