10:11, 08 - ماۋسىم 2015 | GMT +5
ا ق ش- تا ەكى جولاۋشىلار ۇشاعى قاناتتارىمەن سوقتىعىسىپ قالدى
استانا. قازاقپارات - لوس- اندجەلەستەگى بوبا حوۋپ اتىنداعى حالىقارالىق اۋەجايداعى ۇشۋ جولىندا «بوينگا-737» ەكى جولاۋشىلار ۇشاعى سوقتىعىسىپ قالدى.
ەكى لاينەر دە Southwest Airlines كومپانياسىنا تيەسىلى. ولاردىڭ ءبىرى ساكرامەنتودان ۇشىپ كەلسە، كەلەسىسى فەنيكسكە ۇشۋعا ازىرلىك ۇستىندە بولاتىن.
سوقتىعىسقان كەزدە ءبىرىنشى ۇشاق بورتىندا 100 جولاۋشى بولسا، ەكىنشىسىندە 114 ادام بولدى. ابىروي بولعاندا، ەشكىم زارداپ شەككەن جوق. ا ق ش- تىڭ اۆياتسيا بيلىگى وقيعانىڭ سەبەپتەرىن تەرگەۋگە كىرىستى، دەپ حابارلادى KTLA تەلەارناسى.
ال وسىعان دەيىن كانادا استاناسى وتتاۆا قالاسىندا گيدروۇشاق وزەنگە قۇلاعان. اۋە كولىگى بىرنەشە مينۋتتىڭ ىشىندە سۋعا باتىپ كەتتى. بورتتا ەكى ادام بولعان، ءبىرى - 71 جاستاعى ۇشقىش، ەكىنشىسى - 27 جاستاعى جولاۋشى. ەكەۋى دە قازىر اۋرۋحانادا، جاعدايلارى اۋىر.
