ب ۇ ۇ باس حاتشىسى نيۋ- يورك قالاسىندا وتكەن قايىرىمدىلىق شاراسىندا باۋىرساق ساتىپ الدى

 استانا. قازاقپارات - ب ۇ ۇ باس حاتشىسى پان گي مۋن ۇيىمنىڭ نيۋ- يورك قالاسىنداعى شتاب- پاتەرىندە ۇيىمداستىرىلعان قايىرىمدىلىق بازارىنا باردى، دەپ حابارلادى 24.kz.

 شارادا 100 دەن اسا مەملەكەت وكىلدىگى قول ونەر بۇيىمدارى مەن كادەسىي، ۇلتتىق تاعامدارىن ەل نازارىنا ۇسىندى. قازاقستاندىق ەكسپوزيسيا بۇل جولى دا ەڭ تارتىمدى، كوپ ادام تاماشالاعان ورتاعا اينالدى.

ب ۇ ۇ باس حاتشىسى زايىبىمەن قازاقستاندىق جارقىن «مەكەندە» ءبىراز ايالدادى. مارتەبەلى مەيمان وتانداستارىمىزدىڭ تاماشا قولونەر بۇيىمدارى مەن جۇننەن توقىلعان، كەراميكادان جاسالعان تۋىندىلارعا ەرەكشە نازار اۋداردى.

ب ۇ ۇ جانىنداعى قازاقستان ميسسياسىمەن ءبىراز اڭگىمە قۇرعان پان گي مۋن استاناعا ساپارى الدىندا ەلىمىزدىڭ مادەنيەتىمەن، ونەرىمەن جەتە تانىسقىسى كەلەتىنىن ايتىپ، بىرنەشە كادەسىي، باۋىرساق، سامسا، چاك- چاك ساتىپ الدى.