بۇگىن قازاقستاننىڭ باسىم بولىگىندە بۇرشاق جاۋىپ، كۇن كۇركىرەيدى

استانا. قازاقپارات - قازاقستاننىڭ باسىم بولىگىندە اتموسفەرانىڭ فرونتالدى بولىكتەرىنىڭ وتۋىنە بايلانىستى قۇبىلمالى اۋا رايى ساقتالادى.

ەلىمىزدىڭ كەي جەرلەرىندە نايزاعاي ويناپ، جاۋىن-شاشىن بولادى، دەپ حابارلادى «قازگيدرومەد» ر م ك.

ناقتىراق ايتقاندا، رەسپۋبليكانىڭ سولتۇستىك جانە شىعىس ايماقتارىندا بۇرشاق جاۋۋى ىقتيمال، تەك باتىستا عانا كۇن اشىق بولادى.

جامبىل وبلىسىنىڭ كەي اۋماقتاردا بۇرشاق جاۋىپ، كۇن كۇركىرەۋى مۇمكىن. كۇندىز وبلىستىڭ باسىم بولىگىندە 15-20 م/س جەل سوعىپ، جەل ەكپىنى 25 م/س- عا دەيىن جەتەدى. سولتۇستىك قازاقستان وبلىسىندا كۇندىز كەي جەرلەردە كۇن كۇركىرەپ,15-20 م/س جىلدامدىقپەن جەل سوعادى، بۇرشاق جاۋۋى دا عاجاپ ەمەس.

سونداي-اق، ش ق و- دا دا بۇرشاق جاۋىپ، كۇندىز 15-20 م/س جەل كۇشەيەدى.

اقمولا، قىزىلوردا، قوستاناي، پاۆلودار وبلىستارىندا، كۇن كۇركىرەپ جەل كۇشەيەدى.

اقتوبەدە دە جەل 15-20 م/س دەيىن جەتىپ، تۇندە كۇن كۇركىرەيدى. قاراعاندى وبلىسىندا كەي جەرلەردە كۇن كۇركىرەپ، كۇندىز جەلدىڭ جىلدامدىعى 15-20 م/س دەيىن جەتەدى. الماتى وبلىسىندا كۇندىز كۇن كۇركىرەپ، شاڭدى داۋىل سوعادى. و ق و- دا جەل ەكپىنى 15-20 م/س- عا جەتىپ، كۇن كۇركىرەيدى.