اكەسىنىڭ بالاسىنا ايتقان وسيەتى
- ۇلىم، سەنەن وتىنەرىم، مەن ولگەننەن كەيىن ماعان شۇلىعىمدى كيگىز!
- نەگە، اكە؟!
- بۇل ءوتىنىشىم بولعاسىن، ونى ورىندا!
وسىدان سوڭ، اكەسى يمامعا ءبىر حات تاپسىرادى دا: «مەن ومىردەن قايتقان كۇنى وسىنى ۇلىما بەرەرسىڭ»، - دەيدى.
ول كۇن دە كەلىپ، اكەسىن كەبىنگە ورايىن دەپ جاتقان ساتتە، بالاسى اكەسىنىڭ ءوتىنىشىن ەسىنە الىپ، وعان شۇلىق كيگىزبەكشى بولادى. ءبىراق، وعان يمام قارسى بولادى، سەبەبى، بۇلاي ىستەۋ مۇمكىن ەمەستىگىن ايتىپ تۇسىندىرەدى.
سوندا دا، ۇلى اكەسىنىڭ سوڭعى ءوتىنىشىن قاتتى ورىنداعىسى كەلىپ، قاسارىسا تۇسەدى. سول ساتتە يمام بالاعا اكەسى قالدىرىپ كەتكەن حاتتى ۇسىنادى.
ول حاتتى اشىپ وقىسا، وندا: «ەي، ۇلىم، بايقاعان بولساڭ، بۇل دۇنيەدە جيعان-تەرگەن مول بايلىعىم بولا تۇرا، مەن وزىممەن بىرگە ءتىپتى، مىنا ءبىر شۇلىقتى دا اكەتە المايمىن! اللادان قورىق! اكەڭنەن ساعان ەشبىر كومەك بولمايتىن كۇن كەلەدى، سول ءۇشىن، قازىردەن باستاپ ىزگى امالدارىڭمەن ارعى ومىرىڭە ازىق جينا!»، - دەپ جازىلعان ەكەن.
ورىس تىلىنەن اۋدارعان Azan.kz
