قازاقستاندا العاش رەت مال باسىن سايكەستەندىرۋگە ارنالعان سىرعالار شىعارىلادى

استانا. قازاقپارات - ەندى ەلىمىزدىڭ مال شارۋاشىلىعى وتاندىق ءونىمدى پايدالانادى. الماتى وبلىسىنداعى ىرگەلى اۋىلىندا مال باسىن سايكەستەندىرۋگە ارنالعان سىرعا شىعاراتىن وتاندىق ءوندىرىس اشىلدى.

بۇعان دەيىن مال سىرعاسىن گەرمانيا، فرانسيا، قىتاي مەن تۇركيادان الاتىنبىز. قىمبات ءارى ۇزاق جەتكىزىلەتىن. ەندى ZTOWN Development زاۋىتى جىلىنا 17 ميلليوننان اسا جۇپ سىرعا شىعارىپ، قازاقستاندى قامتاماسىز ەتەدى. سونىمەن قاتار ءونىمدى ەكسپورتقا جىبەرەدى.

جوباعا مەملەكەتتەن 73 ميلليون تەڭگە گرانت ءبولىندى. جەكە ينۆەستورلار دا قارجى بەردى.

نەمىس قۇرال-جابدىقتارىمەن جاراقتالعان وندىرىستە 30 ادام جۇمىس ىستەيتىن بولادى.

جاندوس بولاتبەكوۆ، زاۋىت ديرەكتورىنىڭ ورىنباسارى:

- قازاقستاننىڭ الىپ وتىرعان جىل سايىنعى مال ءوسىمىنىڭ سانى 10 ميلليونعا جۋىق بولادى. سوندىقتان ءبىز قازاقستاننىڭ نارىعىن تولىعىمەن قامتاماسىز ەتەمىز. قالعانىن جانىمىزدا وتىرعان رەسەيگە ەكسپورتتاماق ويىمىز بار. ودان كەيىن قىرعىزستان بار. نارىققا قوياتىن باعامىز ءبىزدىڭ ويىمىزشا، ەۋروپالىق انالوگتاردان كەم دەگەندە %30 عا ارزان بولادى.

www.24.kz