كۇننەن قۋات الاتىن عيمارات سالىندى

استانا. قازاقپارات - بىرىككەن اراب امىرلىگىنىڭ استاناسىنداعى ماسدار ەكوشاھارىندا كۇننەن قۋات الاتىن عيمارات اشىلدى.

جان-جاقتى جابدىقتالعان جاڭا عيمارات كۇن كوزى ارقىلى 1000 شارشى مەتر اۋماققا ەلەكتر قۋاتىن بەرۋگە قاۋقارلى. وعان قوسا، سىرتقى قاپتاۋلار نىسان ىشىنە ساۋلە وتكىزبەيدى. سونداي-اق، جىلىتۋ قوندىرعىلارى عيماراتتىڭ جىل سايىنعى ىستىق سۋ سۇرانىسىنىڭ 75 پايىزىن وتەيدى.

« IRENA ورتالىعى ءۇشىن ەرەكشە كۇن. ءبىزدىڭ ءۇيدىڭ ەندى ءوز عيماراتى بار. IRENA قارقىندى دامىپ كەلەدى. بۇگىندە وعان 140 ەل مۇشە. تاعى 32 مەملەكەت مۇشە بولۋدى قالاپ وتىر. سەبەبى، الەم جاسىل ەكونوميكانى دامىتۋ قاجەتتىگىن ءتۇسىندى»، - دەيدى «IRENA» حالىقارالىق اگەنتتىگى ورتالىعىنىڭ ديرەكتورى حەننينگ ۆۋستەر.

بۇل اگەنتتىك سونداي-اق «استانا ەكسپو-2017» كورمەسىن ۇيىمداستىرۋ جۇمىستارىنا دا اتسالىسىپ، ەلىمىزبەن تىعىز بايلانىس جاساپ كەلەدى.

tv.kz -kazakh