قازاقستان مەن بەلارۋس يران مۇنايىن رەسەي ارقىلى ساتىپ الا الادى
«قازاقستان مەن بەلارۋس رەسەيگە جەتكىزىلگەن مۇنايدى ساتىپ الا الادى، سەبەبى ولار ەۋرازيالىق ەكونوميكالىق وداق مۇشەلەرى بولىپ تابىلادى»، - دەپ مالىمدەدى زانگانە.
بۇدان بۇرىن اگەنتتىك حابارلاعانداي، كەلەسى اپتادا رەسەي «تاۋارلار ورنىنا مۇناي» مامىلەسى اياسىندا يراننان العاشقى مۇنايدى يمپورتتايدى. زانگەنە مۇناي جەتكىزۋ كۇنىنە 500 مىڭ باررەلگە قاراعاندا، ەداۋىر تومەن بولاتىنىن مالىمدەدى.
رەسەي كومپانيالارىنىڭ يراندىق مۇنايدى ساتىپ الۋى تۋرالى رەسەي مەن يران اراسىنداعى كەلىسسوزدەر 2014-جىلى باستالعان.
يراننان مۇنايدى كاسپي پورتى ارقىلى جەتكىزۋ بولجانۋدا.
يران مۇنايىنىڭ ەكسپورتى يراننىڭ يادرولىق باعدارلامالارىنا قاتىستى حالىقارالىق سانكسيالارعا بايلانىستى 50 پايىزعا ءتۇسىپ كەتتى. رەسەي مەن ا ق ش- تى قوسقاندا، الەمدىك دەرجاۆالار ماۋسىم سوڭىندا كەلىسسوزدەردى ءساتتى اياقتاۋدى جوسپارلاۋدا.
