باتىس قازاقستاندا بوكەنباي باتىر تۋرالى دەرەكتى فيلم تۇسىرىلمەك
اۋدان اكىمى الديار حالەلوۆتىڭ ايتۋىنشا، «قازاقستان» ر ت ر ك» ا ق باتىس قازاقستان فيليالىنىڭ ءتۇسىرۋ توبى الداعى دۇيسەنبىدەن اۋدان اۋماعىندا ءوز جۇمىسىن باستاماق.
باتىس قازاقستاندىق تەلەجۋرناليستەر تاريحي تامىرى تەرەڭدە جاتقان، تابيعاتى ەرەكشە اققۇمدى، توراتباس، جىلاندى، قىزەمشەك تاۋلارىن، ەلەك پەن شىڭعىرلاۋ وزەندەرى بويىن ارالاپ، باتىر جايىندا دەرەكتى تۋىندى دايىنداماق. تەلەفيلمدى ءبىر ايداي مەرزىمدە ءبىتىرۋ كوزدەلگەن.
ايتا كەتەيىك، ب ق و ەنتسيكلوپەدياسىنان الىنعان دەرەكتەرگە قاراعاندا، بوكەنباي قاراباتىر ۇلى (ХVІІІ عاسىردىڭ ەكىنشى جارتىسى - ءساۋىر، 1742، اقتوبە وبلىسى، بوكەنباي شوقىسى) - جوڭعار باسقىنشىلارىنا قارسى كۇرەستە بىرىككەن قازاق اسكەرىنىڭ باس ساردارى، مامىلەگەر، باتىر. كىشى ءجۇزدىڭ تابىن رۋىنان. ول ءابىلقايىر حانمەن تىزە قوسىپ، 30 جىل بويى سىرتقى جاۋمەن كۇرەستى. 1742-جىلعى ساۋىردە تۇركىمەندەرمەن بولعان شايقاستا ەرلىكپەن قازا تاپتى.
اۆتور: ەلجان ەرالى
