قارا التىن باعاسىنا دۇنيە ءجۇزى ەلدەرى كوز تىگۋدە
مۇناي ەكسپورتتاۋشى ەلدەر ۇيىمىنىڭ بۇل جيىنىنا دۇنيە ءجۇزى كوز تىگۋدە. و پ ە ك-تىڭ ۆەناداعى جيىنىنان نە كۇتەمىز؟ ەندىگى جەردە قارا التىننىڭ باعاسى قاي شامادا بولماق؟
نۇربەك بايبوسىن، ءتىلشى:
- حالىقارالىق ۇيىم وتكەن جىلدىڭ كۇزىندە مۇناي ءوندىرۋدى باسەڭدەتپەۋ تۋرالى شەشىم قابىلداعان بولاتىن. الەمدىك ەكونوميكا ءۇشىن وتە ماڭىزدى شيكىزاتتى ءوندىرۋ وسى كەزگە دەيىن كۇنىنە 30 ميلليون باررەل بولىپ ساقتالىپ كەلدى. ۆەناداعى كەزدەسۋدە مۇناي مەن ەنەرگەتيكا سالاسىنىڭ ۆەدوموستۆو باسشىلارى قارا التىننىڭ قۇنىن ساقتاپ قالا ما، جوق الدە مۇناي باعاسى وسە مە ازىرگە سان ساۋالعا جاۋاپ ىزدەۋدە.
ەندى مۇناي ەكسپورتتاۋشى ەلدەر ۇيىمدارىنىڭ بۇل تۇرعىدا پىكىرى قانداي ءوزى؟
نۇربەك بايبوسىن، ءتىلشى - مينيسترلەر جيىنىنا دەيىن و پ ە ك-تىڭ 6- حالىقارالىق سەمينارى ءوتتى. مۇنايدىڭ كوشباسشىلارى قاتىسقان باسقوسۋدا يراكتىڭ مۇناي ءمينيسترى ادەل ابدەل ماحدي ەگەر قارا التىننىڭ باعاسى وسسە، يراك ءۇشىن مۇناي ءوندىرۋ قارقىنى جوعارىلايدى. تۇسەر پايدا دا جوعارى بولادى دەگەن پىكىرىن جەتكىزدى. ال كۋۆەيتتىڭ باس مۇنايشىسى ءالي ءال-ومار بولسا نارىق جوعارىلاسا دا، ءوز ەلىندە تابيعي شيكىزات ءوندىرۋ جوباسىن ساقتاپ تۇراتىندىعىن ايتتى.
ايتا كەتەيىك، قارا التىنىڭ جايى تالقىعا تۇسكەن ساتتە الەمدەگى مۇناي باعاسى تومەندەۋىن توقتاتقان جوق. rentB ماركالى مۇناي باعاسى لوندون بيرجاسىندا 1,99 پايىزعا تومەندەپ، باررەلى 64,2 ا ق ش دوللورىنا جەتتى. ال كاتاردىڭ ەنەرگەتيكا جانە ونەركاسىپ ءمينيسترىنىڭ پىكىرى مىناداي.
موحاممەد بەن سالەح ءال- ساد، كاتاردىڭ ەنەرگەتيكا جانە ونەركاسىپ ءمينيسترى:
- سۇرانىس بولسا، ۇسىنىس دا بولادى. بۇل نارىقتىڭ قىزمەت ەتۋ تەتىگى. سوندىقتان مۇنايدى نارىق باعاسىمەن ساتاتىندار باسىمدىلىعىن كورسەتە باستايدى. ال باعاسى جوعارى مۇنايدى وندىرەتىندەرگە ءوز ستراتەگياسىن قايتا قاراستىرۋىنا تۋرا كەلەدى.
نۇربەك بايبوسىن، ءتىلشى:
- قازىر عانا كەلىپ تۇسكەن مالىمەت بويىنشا، مۇناي ءوندىرۋ كولەمى جايلى و پ ە ك-تىڭ پرەزيدەنتى مەن باس حاتشىسى وتكىزگەن باسپا ءسوز ءماسليحاتى اياقتالىپ، ونىڭ قورىتىندىسى بويىنشا مۇناي ەكسپورتتاۋشى ەلدەر ۇيىمىنىڭ قارا التىن ءوندىرىسىن بۇرىنعى دەڭگەيىندە قالدىرۋ تۋرالى شەشىم قابىلداندى.
ءبىزدىڭ ەلىمىزدە دە مۇناي باعاسىنا الاڭداۋشىلىق بار. مۇناي-گاز سەكتورىن دامىتۋ ماسەلەسىنە ارنالعان پارلامەنتتىك تىڭداۋدا ءماجىلىس ءتوراعاسىنىڭ ورىنباسارى داريعا نازاربايەۆا بۇل ماسەلەگە ەرەكشە توقتالدى. ول جانارماي تاپشى بولاتىن كەزەڭدى «كۇزگى بەزگەككە» تەڭەپ، بۇل ماسەلەنىڭ قازىردەن باستاپ الدىن الۋ كەرەكتىگىن ايتتى. «ەلىمىز ەگەمەندىگىن العان جىلى 5 ميلليون توننا مۇناي وندىرسە، قازىر ءبىز جىلىنا 80 ميلليون توننانى القىمداپ وتىرمىز. ارينە، بۇل ماقتانۋعا تۇرارلىق. دەگەنمەن ءالى دە بولسىن ساپالى جانارماي تاپشىلىعىنان ارىلماي، ىشكى نارىقتى تولىعىمەن قامتي الماي كەلەمىز»، - پارلامەنت ءماجىلىسى ءتوراعاسىنىڭ ورىنباسارى داريعا نازاربايەۆا.
www.khabar.kz
