حالىقارالىق تۇركى اكادەمياسى الەمدىك قاۋىمداستىقتى مويىنداتۋدا
وسىلايشا قازاقستان پرەزيدەنتى ن. ءا. نازاربايەۆتىڭ باستاماسىمەن قۇرىلعان حالىقارالىق تۇركى اكادەمياسى بۇل مارتەبەلى وداقتىڭ ورتا ازيا ءوڭىرى بويىنشا تۇڭعىش مۇشەسى بولىپ وتىر. بۇل بىلتىر حالىقارالىق ۇيىم مارتەبەسىن العان اكادەميانىڭ كەڭ تانىلىپ، حالىقارالىق قاۋىمداستىقتاعى بەدەلىنىڭ ءوسىپ كەلە جاتقانىنىڭ ايقىن ايعاعى. سەسسيادا تۇركيا، موڭعوليا، ۆەنگريا ۇلتتىق اكادەميالارى وكىلدەرى حالىقارالىق تۇركى اكادەمياسىن مۇشەلىككە قابىلداۋدى قولداپ، پىكىر ءبىلدىردى.
حالىقارالىق تۇركى اكادەمياسى باسپا ءسوز قىزمەتىنىڭ مالىمەتىنشە، عىلىم سالاسى بويىنشا الەمدەگى ەڭ جوعارعى قۇرىلىم سانالاتىن حالىقارالىق اكادەميالار وداعى 1919 -جىلى قۇرىلعان. دۇنيەجۇزىلىك عىلىمي قاۋىمداستىقتاعى زەرتتەۋ ۇيىمدارىنىڭ جۇمىسىن ۇيلەستىرىپ، ىنتىماقتاستىقتىڭ ارتۋىنا ىقپال ەتەتىن اتالمىش وداق العاشقىدا بەلگيا، دانيا، فرانسيا، ۇلى بريتانيا، گرەكيا، يتاليا، جاپونيا، گوللانديا، پولشا، رەسەي، ا ق ش قاتارلى عىلىمى بارىنشا دامىعان 11 ەلدىڭ ۇلتتىق عىلىم اكادەميالارىن مۇشەلىككە قابىلدانعان بولاتىن.
بۇگىندە حالىقارالىق اكادەميالار وداعىنا 61 مەملەكەتتەن 100 دەن استام عىلىمي مەكەمە مۇشە.
بارلىق قۇقىعى قورعالعان.
