ب ا ءا- دە كۇننەن قۋات الاتىن عيمارات سالىندى
«جاسىل» ەكونوميكا نەگىزىندەگى 7 قاباتتى نىسان ەنەرگيالىق تيىمدىلىك تالاپتارىنا ساي سالىندى. بۇل اگەنتتىك سونداي-اق «استانا ەكسپو-2017» كورمەسىن ۇيىمداستىرۋ جۇمىستارىنا دا اتسالىسىپ، ەلىمىزبەن تىعىز بايلانىس جاساپ كەلەدى.
كۇن كوزى ارقىلى 1000 شارشى مەتر اۋماققا ەلەكتر قۋاتىن بەرەتىن عيمارات. وعان قوسا نىسان ىشىنە ساۋلە وتكىزبەيتىن سىرتقى قاپتاۋلار. سونداي-اق جىل سايىنعى عيماراتتىڭ ىستىق سۋ سۇرانىسىنىڭ %75 ىن وتەيتىن جىلىتۋ قوندىرعىلارى. بۇل حالىقارالىق IRENA اگەنتتىگىنىڭ شتاب- پاتەرى. جان- جاقتى جابدىقتالعان جاڭا عيمارات بىرىككەن اراب امىرلىگىنىڭ استاناسىنداعى ماسدار ەكوشاھارىندا اشىلدى.
حەننينگ ۆۋستەر، حالىقارالىق IRENA اگەنتتىگى ورتالىعىنىڭ ديرەكتورى:
- IRENA ورتالىعى ءۇشىن ەرەكشە كۇن. ءبىزدىڭ ۇيىمنىڭ ەندى ءوز عيماراتى بار. IRENA قارقىندى دامىپ كەلەدى. بۇگىندە وعان 140 ەل مۇشە. تاعى 32 مەملەكەت مۇشە بولۋدى قالاپ وتىر. سەبەبى، الەم «جاسىل» ەكونوميكانى دامىتۋ قاجەتتىگىن ءتۇسىندى. جاھاندىق ەنەرگيا كوزدەرىن قالىپقا كەلتىرۋدى كوزدەگەن حالىقارالىق اگەنتتىككە ەلىمىز 2013 -جىلى قوسىلدى. بۇگىندە ۇيىم جانىنان بىرىككەن اراب امىرلىگىندەگى قازاقستاننىڭ توتەنشە جانە وكىلەتتى ەلشىسى قايرات لاما شاريف باسقاراتىن تۇراقتى وكىلدىگى جۇمىس ىستەيدى. ال تاياۋدا قازاقستاندىق KAZENERGY قاۋىمداستىعى مەن IRENA اگەنتتىگى اراسىندا ارىپتەستىك كەلىسىم جاسالدى. سودان بەرى ەكولوگيالىق بىرلەسكەن جوبالار دا جۇزەگە اسىرىلىپ كەلەدى. دولف گەيلەن، حالىقارالىق IRENA اگەنتتىگىنىڭ گەرمينياداعى وكىلى:
- ۇيىم جۇمىسىن دامىتۋعا بايلانىستى قازاقستاننىڭ ورتالىق ازياداعى مۇمكىندىكتەرىن ايتادى. IRENA اگەنتتىگىنىڭ وكىلدەرى ورتالىق ازيادا جاڭا قۋات كوزدەرىن جاڭعىرتۋعا مۇمكىندىكتەر مول ەكەنىن ايتادى. سوندىقتان الداعى جىلدارى وسى اۋماقتا ايماقتىق جوبالاردى كوپتەپ جۇزەگە اسىرۋدى كوزدەپ وتىر. ايتا كەتەيىك، اگەنتتتىككە ورتالىق ازيادان قازاقستانمەن بىرگە تاجىكستان مەملەكەتى دە مۇشە.
www.24.kz
