ازامات ءتاجاياقوۆتىڭ اعاسى تۇرمەگە ۇدايى بارىپ تۇرۋ ءۇشىن وتباسىمەن ا ق ش-قا كوشىپ باردى

استانا. قازاقپارات - بۇدان بۇرىن حابارلاعانداي، جۇمادا 2013 -جىلعى بوستونداعى لاڭكەستىك اكتىسى بويىنشا سوتتالعان دجوحار سارنايەۆتىڭ دوسى قازاقستاندىق ازامات ءتاجاياقوۆ لاڭكەستىك اكتىنى تەرگەۋگە كەدەرگى جاساعانى ءۇشىن 3,5 جىلعا سوتتالدى.

باسقا قازاقستاندىق ستۋدەنت دياس قادىربايەۆقا 6 جىل باس بوستاندىعىنان ايىرۋ جانە 3 جىل اكىمشىلىك باقىلاۋ ۇكىمى شىقتى.

ازامات ءتاجاياقوۆتىڭ ادۆوكاتى نيكولاي ۆۋلدريدجانىڭ ايتۋىنشا، بۇل اۋىر ساتتە ءتاجاياقوۆتىڭ وتباسى ازاماتتى قولدادى. بۇعان تۇرمەدە جاتقان ازاماتقا ۇدايى بارىپ تۇرۋى ءۇشىن اعاسىنىڭ جانۇياسىمەن ا ق ش-قا كوشىپ كەلگەنى دالەل.