ۇلت جوسپارىن جۇزەگە اسىرۋعا ءار قازاقستاندىق بەلسەنە قاتىسۋى كەرەك - ع. شويكين
بۇل تۋرالى 5 -ماۋسىم كۇنى اتالمىش جوسپاردىڭ «بىرتەكتىلىك پەن بىرلىك» اتتى ءتورتىنشى باعىتىن ىسكە اسىرۋ ماسەلەلەرى بويىنشا ورالدا وتكەن كەڭەستە ق ر ءدىن ىستەرى كوميتەتىنىڭ ءتوراعاسى عالىم شويكين ءمالىم ەتتى.
ونىڭ ايتۋىنشا، ەلباسىنىڭ بەس رەفورماسىن جۇزەگە اسىرۋ باعىتىندا اۋقىمدى ازىرلىك جۇمىستارى جۇرگىزىلۋدە. مەملەكەت باسشىسى بەلگىلەپ بەرگەن ءار قادام بويىنشا الدا تۇرعان ماقسات- مىندەتتەردى ورىنداۋدىڭ ماڭىزى زور.
بارلىق سالانى قامتيتىن «جول كارتاسى» جاسالۋدا. «ماڭگىلىك ەل» پاتريوتتىق اكتىسى، قازاقستان حالقى اسسامبلەياسىنىڭ «ۇلكەن ەل - ۇلكەن وتباسى» جوباسى قولعا الىنباق. «استانا - ەۋرازيا جۇرەگى»، «الماتى - قازاقستاننىڭ ەركىن مادەني ايماعى»، «التاي جاۋھارى»، «جىبەك جولىمەن»، «كاسپيي قاقپاسى» سىندى ايماقتىق تۋريستىك كلاستەرلەر قۇرۋ كوزدەلۋدە. بارشا قازاقستاندىقتار ماقتان ەتەتىن ۇلتتىق مادەني برەندى، بارلىق سيرەك كىتاپتار ساقتالاتىن قازاقستان تاريحى تۋرالى عالامتور پورتالى، اسسامبلەيا جۇمىسى كەڭىنەن كورسەتىلەتىن ۇلتتىق مۋزەي اشۋ ويلاستىرىلۋدا. بۇل رەتتە وڭىرلەردەن ۇسىنىس-تىلەكتەر بولسا، ماڭىزدىلىعىنا قاراي ەسكەرىلەدى.
جيىندا سونداي-اق وبلىس اكىمىنىڭ ورىنباسارى باقتيار ماكەن، ارداگەر-ۇستاز سوفيا يمانعاليەۆا، وبلىستىق «ورال ءوڭىرى» گازەتىنىڭ باس رەداكتورى باۋىرجان عۇبايدۋللين جانە باسقالارى «100 ناقتى قادامعا» بايلانىستى اتقارىلىپ جاتقان جۇمىستاردى ايتۋمەن بىرگە ءوز وي- پىكىرلەرىن دە قوستى.
اۆتور: ەلجان ەرالى
