الاياق ايەل الماتى وبلىسى تۇرعىنىنىڭ اتىنا ءۇش بانكتەن نەسيە راسىمدەگەن

تالدىقورعان. قازاقپارات - الماتى وبلىستىق ءى ءى د باسپا ءسوز قىزمەتىنىڭ اقپاراتىنشا، الاياقتىق فاكتىسى بويىنشا قوزعالعان قىلمىستىق ءىس ماتەريالدارىندا 27 جاستاعى ىلە اۋدانىنىڭ تۇرعىنى كۇدىكتى رەتىندە قاراستىرىلىپ وتىر.

قاپشاعاي پوليتسەيلەرىنە جەرگىلىكتى تۇرعىنداردىڭ ءبىرى اسا تانىمايتىن ايەل الداۋ ارقىلى ونىڭ اتىنا الماتى قالاسى مەن الماتى وبلىسىندا ورنالاسقان ءۇش ءىرى بانكتەن نەسيە العانىن حابارلادى.

«ءىستىڭ ءمان-جايىن انىقتاعاندا بانكتە نەسيەلەر 2013 -جىلى شىلدە ايىندا راسىمدەلگەنى بەلگىلى بولدى. كەلتىرىلگەن زالالدىڭ جالپى كولەمى 4,5 ميلليون تەڭگە. كۇدىكتى كورشىلەس ىلە اۋدانىندا ۇستالدى. ول بانكتەگى نەسيەلەر ونىڭ ىقپالداسۋىمەن راسىمدەلگەنىن، ونى ءوز اتىنان وتەيتىنىنە ءسوز بەرگەنىن ايتقان. ۇستالعان قۇربىسىنا ءوزىن «دينارا» دەپ تانىستىرعان. دەگەنمەن قۇجات بويىنشا ونىڭ ەسىمى زارينا»، - دەدى وبلىستىق پوليتسيادا.

الاياقتىق بويىنشا تەرگەۋ جۇمىستارى جالعاسىپ جاتىر. بۇل ۋاقىت ارالىعىندا كۇدىكتى ەشقايدا كەتپەۋ تۋرالى قولحاتپەن جىبەرىلدى.