ب. ساپاربايەۆ ابىلاي حان مۇراجاي كەشەنىندە بولدى - فوتو
الدىمەن بەردىبەك ساپاربايەۆ ايىرتاۋ اۋدانىنداعى رەسپۋبليكالىق ماڭىزى بار «بوتاي قونىسى» ەسكەرتكىشىندەگى «بوتاي» مۇراجاي كەشەنىنە سوقتى. بوتاي قونىسىن سقو ارحەولوگيالىق ەكسپەديتسياسى 1980 -جىلى انىقتاپ، زەرتتەگەن. جوبا ايماق لاندشافتىن عىلىمي تۇرعىدا زەرتتەۋ مەن ايماقتىڭ كونە تاريحىن قايتا قۇرۋعا باعىتتالعان. جوبانى تاريح عىلىمدارىنىڭ دوكتورى ۆيكتور زايبەرت باسقارادى.
سونىمەن قاتار جۇمىس ساپارى بارىسىندا ب. ساپاربايەۆ قىزىلجار اۋدانى بايتەرەك اۋىلىندا بولدى. مۇندا ق ر پرەمەر- ءمينيسترىنىڭ ورىنباسارى ەلدى مەكەننىڭ الەۋمەتتىك-ەكونوميكالىق دامۋىمەن تانىستى. اۋىل 2009 -جىلى قۇرىلعان. قازىر مۇندا 1536 ادام تۇرادى. اۋدان مەكتەپتەرىندە 315 بالا ءبىلىم الادى، 22 بالا ينتەرناتتا تۇرادى، ولاردىڭ 293 ى كۇن سايىن ءبىلىم ورداسىنا جەتكىزىلەدى.
اۋىلدا بالاباقشا، اۋرۋحانا جوق. 1500 دەن استام حالقى بار «بايتەرەكتەگى» ەكى مەديتسينالىق پۋنكت جەتكىلىكسىز.
«بالاباقشا تەك وبلىستىق دەڭگەيدە عانا سالىنادى. رەسپۋبليكالىق بيۋدجەتتەن اقشا ءبولۋ ءۇشىن بالا سانى 300 دەن اسۋى ءتيىس. مەكتەپكە قاتىستى ايتار بولساق، قۇرىلىستى باستاڭدار»، - دەدى ق ر پرەمەر-ءمينيسترىنىڭ ورىنباسارى بەردىبەك ساپاربايەۆ.
وسى كۇنى ەلدىڭ پرەمەر-ءمينيسترىنىڭ ورىنباسارى بەردىبەك ساپاربايەۆ پەن وبلىس اكىمى ەرىك سۇلتانوۆ ابىلاي حان مۇراجاي كەشەنىنە باردى. بۇل پەتروپاۆلدىڭ نەگىزگى كورىكتى جەرلەرىنىڭ ءبىرى. ول جەردە قازاق حاندىعىنىڭ قالىپتاسۋ تاريحى مەن ۇلى بيلەۋشىنىڭ ءومىر تاريحى ساقتالعان. ەكسكۋرسيا مۇراجاي عيماراتى تۋرالى اڭگىمەدەن باستاۋ الدى. عيماراتتىڭ سالىنعانىنا ەكى عاسىرداي ۋاقىت وتكەن.
بەردىبەك ساپاربايەۆ پەن ەرىك سۇلتانوۆتىڭ نازارىنا سول كەزەڭدەردەگى ەرەكشە تۇرمىستىق زاتتار كورسەتىلدى. ەكسكۋرسيا ەرەكشە اسەر قالدىردى. بۇل جايىندا ب. ساپاربايەۆ قوناقتارعا ارنالعان كىتاپشاعا جازدى. وعان ءوز قولتاڭبالارىن قالدىرعان كورنەكتى ادامداردىڭ ىشىندە ەل پرەزيدەنتى نۇرسۇلتان نازاربايەۆ تا بار.
