اندرەي مالاحوۆ: قايرات نۇرتاس «قازاقستاننىڭ ۇزدىك ءانشىسى» اتانۋعا لايىق

استانا. قازاقپارات - رەسەيلىك بەلگىلى تەلەجۇرگىزۋشى اندرەي مالاحوۆ «مۋز-ت ۆ» شاراسىنىڭ «قازاقستاننىڭ ۇزدىك ءانشىسى» اتالىمىندا قايرات نۇرتاستىڭ جەڭگەنىن قالايدى.

بۇل تۋرالى ول بۇگىن وتكەن و ك ق بريفينگىندە ايتتى.

«شارا اياسىنداعى «قازاقستاننىڭ ۇزدىك ءانشىسى» اتالىمى بويىنشا داۋىس بەرۋ اياقتالىپ قويدى، ءبىراق ازىرگە ناقتى ناتيجەسى بەلگىسىز. سوندىقتان مەن ءوز ويىمدى ايتا بەرسەم، ەشتەڭە ەتپەيتىن بولار. مەنىڭ ويىمشا، قازاقستاندىق انشىلەردىڭ ىشىندە ۇزدىكتەرىنىڭ ءبىرى - قايرات نۇرتاس. مەن سونىڭ جەڭگەنىن قالايمىن. جانە ونىڭ اندەرى رەسەيدە تانىمال بولا تۇسسە ەكەن دەيمىن»، - دەپ اتاپ ءوتتى ول.

ايتا كەتەيىك، «قازاقستاننىڭ ۇزدىك ءانشىسى» اتاعىنا «مۋزارت» توبى، قايرات نۇرتاس، ءالي وقاپوۆ، نۇرلان ابدۋللين، جانار دۋعالوۆا ۇسىنىلعان.

داۋىس بەرۋ قورىتىندىسى بۇگىن كەشكە «استانا ارەنا» ستاديونىندا بەلگىلى بولادى.

اۆتور: ءابۋ-اسقار مەكەش ۇلى