ورىس شىركەۋى فرانسيا جانە شوتلانديا شىركەۋلەرىمەن بايلانىسىن ۇزەدى
ماسكەۋ پاتريارحاتىنىڭ حابارلاۋىنشا، فرانسيانىڭ بىرىككەن پروتەستانتتىق شىركەۋى وتكەن ايدا پاستورلاردىڭ ءبىر جىنىستىلار نەكەسىن قيۋىنا رۇقسات ەتكەن سوڭ جانە شوتلانديا پرەسۆيتەرياندىق شىركەۋى نەكەدەگى ءبىر جىنىستىلاردىڭ ءدىني قىزمەتكە تۇرۋىنا رۇقسات ەتكەننەن كەيىن «بۇل ءدىني ينستيتۋتتارمەن شارتتى تۇردە بايلانىس ورناتۋدىڭ ءمانى جوق».
«ءبىز قازىر حريستيان الەمىندە تەولوگيالىق ماسەلەلەردە عانا ەمەس، مورالدىق قۇندىلىقتارعا قاتىستى دا جاڭا قايشىلىقتار بارىن وكىنىشپەن مويىندايمىز» دەلىنگەن پاتريارحات مالىمدەمەسىندە.
2003 - جىلى ورىس پراۆوسلاۆيە شىركەۋى ا ق ش ەپيسكوپتىق شىركەۋىمەن بايلانىسىن ۇزگەن. وعان ا ق ش ەپيسكوپتىق شىركەۋىنىڭ ءوزىنىڭ گومو سەكسۋاليست ەكەنىن جاسىرمايتىن ادامعا ەپيسكوپ دارەجەسىن بەرۋى سەبەپ بولعان. ال 2005 - جىلى ورىس پراۆوسلاۆيە شىركەۋى ءبىر جىنىستىلاردىڭ ازاماتتىق نەكەگە تۇرۋىنا رۇقسات ەتكەن شۆەتسيا ليۋتەراندىق شىركەۋىمەن بايلانىسىن توقتاتقان.
كەيبىر ساراپشىلار ورىس پراۆوسلاۆيە شىركەۋىن كرەملدىڭ جىنىستىق ازشىلىق توپتار قۇقىقتارىن قورعايتىنداردى جۇيەلى تۇردە باسۋ ساياساتىن قولدايدى دەپ سانايدى.
«ازاتتىق»
