بىرىككەن ۇلتتار ۇيىمى ۋكرايناعا قاتىستى شۇعىل جيىن وتكىزەدى

استانا. قازاقپارات -  بىرىككەن ۇلتتار ۇيىمى قاۋىپسىزدىك كەڭەسى بۇگىن ۋكرايناداعى جاعدايعا بايلانىستى شۇعىل جيىن وتكىزەدى.

ليتۆا دونباسستاعى، اسىرەسە سوڭعى كۇندەرى دونەتسك تۇبىندەگى مارينكا ەلدى مەكەنىندە جاعداي شيەلەنىسكەن سوڭ توتەنشە جيىن وتكىزۋگە شاقىرعان.

3- ماۋسىم كۇنى رەسەيشىل سەپاراتيستەر مارينكاداعى ۋكراين اسكەريلەرىنىڭ بەكىنىسىنە تانكتەر مەن ارتيللەريانى قولدانىپ، شابۋىلداعان. ەكى جاق اراسىندا بولعان ۇرىستان بەس ۋكراين ساربازى قازا تاۋىپ، 39 ساربازى جارالانعان.

اقپان ايىندا مينسكىدە دونباسستاعى قاقتىعىستى توقتاتۋ تۋرالى كەلىسىم جاسالعالى بەرى مۇنداي اۋقىمدى ۇرىس پەن ادام شىعىنى بولماعان. ول كەلىسىم بويىنشا، ەكى جاق قاقتىعىس ايماعىنان اۋىر قارۋ- جاراقتارىن اكەتۋگە ءتيىس بولعان.

4- ماۋسىمدا پارلامەنتتە سويلەگەن ۋكراينا پرەزيدەنتى پەتر پوروشەنكو دونباسستا «اۋقىمدى سوعىس قيمىلدارى قايتا باستالۋ قاۋپى ءتونىپ تۇرعانىن» مالىمدەگەن.

«ازاتتىق»