11:50, 05 - ماۋسىم 2015 | GMT +5
قىتايدان كونتراباندالىق جولمەن تەلەفوندار الىپ وتپەك بولعان ايەل ۇستالدى
استانا. قازاقپارات - قازاق- قىتاي شەكاراسىندا ورنالاسقان «قورعاس» باقىلاۋ- وتكىزۋ بەكەتىنىڭ باقىلاۋشىلارى ەلىمىزگە زاڭسىز جولمەن ۇيالى تەلەفونداردى وتكىزبەك بولعان قازاقستان ازاماتشاسىن ۇستادى،
دەپ حابارلادى ق ر ۇ ق ك شەكارا قىزمەتىنىڭ باسپا ءسوز قىزمەتىنەن.
«جاسى قىرىقتىڭ ۇستىندەگى جەرلەسىمىزدىڭ ولجاسىن ساناعاندا 301 داناعا جەتتى. اتالعان دەرەك بويىنشا، ق ر قىلمىستىق كودەكسىنىڭ 234- بابىنىڭ 1- تارماقشاسى بويىنشا تەرگەۋ الدى امالدارى جۇرگىزىلۋدە»، دەلىنگەن حابارلامادا.
