20:04, 04 - ماۋسىم 2015 | GMT +5
ن. نازاربايەۆ «استانا كەشتەرى» حالىقارالىق ونەر فەستيۆالىنە باردى
استانا. قازاقپارات - مەملەكەت باسشىسى نۇرسۇلتان نازاربايەۆ «استانا كەشتەرى» IV حالىقارالىق ونەر فەستيۆالىنە باردى، دەپ حابارلادى اقوردانىڭ باسپا ءسوز قىزمەتىنەن.
فەستيۆال اياسىندا «وپەرەتتا كەشى» اتتى كونسەرت ءوتىپ، وعان د. نازاربايەۆا، قازاقستاننىڭ ەڭبەك سىڭىرگەن قايراتكەرلەرى س. بايعوجين مەن ا. ترەگۋبەنكو، رەسەي فەدەراتسياسى باشقۇرتستان رەسپۋبليكاسىنىڭ ەڭبەك سىڭىرگەن ءارتىسى ا. كاريموۆا، حالىقارالىق كونكۋرستاردىڭ لاۋرەاتى م. باينەش قاتىستى.
جىل سايىن وتەتىن بۇل جوبا قايىرىمدىلىق ماقساتىنداعى شارا بولعاندىقتان بارلىق بيلەت تەگىن تاراتىلادى. شارا ماقساتى - حالىقتىڭ ءتۇرلى الەۋمەتتىك توپتارىنا الەمدىك ونەردىڭ جاۋھارلارىن تاماشالاۋعا مۇمكىندىك بەرۋ.
