كورۋ قابىلەتىن ءومىر بويى وزگەرىسسىز ۇستايتىن تاڭعاجايىپ لينزا شىعارىلماق - كەسكىن
قۇراستىرۋشى كومپانيا اتالمىش قۇرىلعىعا Ocumetics Bionic Lens اتاۋىن بەرىپ وتىر.
ماماندار قۇرىلىعىنى 8 جىل بويىنا قۇراپ كەلگەن، بارلىق شىعىنى 3 ميلليون ا ق ش دوللارىنا جەتەقابىل. بۇدان باسقا قۇرىلعى ءومىر بويى كوزدىڭ كورۋىن جاقسارتۋىمەن قاتار، كوزىلدىرىك پەن لينزانى تاعۋدىڭ ەش قاجەتتىلىگى بولمايتىن كورىنەدى.
تاڭعاجايىپ Ocumetics Bionic Lens قۇرىلعىسىن كوزگە ورناتۋ ءۇشىن شاعىن وتا جاساۋ كەرەك. ول ءۇشىن كوزدىڭ بەتكى شەلىن سىلىپ تاستاپ، جاساندى لينزا كيگىزىلەدى. بۇل امبۋلاتوريالىق پروتسەدۋرا ەشقانداي ناركوز ءتارىزدى تاسىلدەردى قاجەت ەتپەيدى. كوز ىشىندە اتالمىش يمپلانتاتتى ورناتۋ ءۇشىن نەبارى سەگىز مينۋت ۋاقىت كەتەدى ەكەن.
وتا بارىسىندا بيونيكالىق لينزا كوز ىشىنە ارنايى شپريتس ارقىلى قۇيىلادى. 10 سەكۋند ىشىندە سۇيىق لينزا كەرەكتى ورىنعا جايىلىپ، سول ساتتەن كورۋ قابىلەتتى تۇزەتەدى. سونداي- اق ۋاقىت وتە كەلە كورۋ قىزمەتىنىڭ ناشارلاۋى تاعى باسقاداي اسەرلەرى بولمايدى.
«بۇرىن سىزدەر ساعاتتى ءۇش مەتر جەردەن كورە العان بولساڭىزدار، اتالمىش لينزادان سوڭ 9 مەتر قاشىقتىقتان- اق ساعات ءتىلىن ناق بايقاي الاتىن بولاسىزدار» دەيدى گارت ۋەبب.
الايدا دارىگەر مۇنداي تاڭعاجايىپ تەحنولوگيانىڭ قانداي ءتاسىل ارقىلى اسەر ەتەتىنىن ايتپاي وتىر. ءبىراق كوزدىڭ بيوفيزيكالىق وزگەرۋلەرى مەن وزگە دە قاۋىپ بولمايتىندىعىن ايتادى.
دارىگەردىڭ ايتۋىنشا مۇنداي ءتاسىل لازەرلى كوز وتاسىنان الدەقايدا جاقسى.
«سەبەبى لازرەلى كوز وتاسى كوزدىڭ ساۋ قابىعىن كۇيدىرىپ تاستايدى. ءارى لازەرمەن جاسالاتىن وتادان سوڭ فيزيكالىق اۋىر جۇك كوتەرمەۋ، بەيۋاقىتتا كوز كورگىشتىگىنىڭ ناشارلاۋى ءتارىزدى بولاتىن كەرى اسەرلەرى بۇل لينزادا بولمايدى» دەپ ەسكەرتەدى گ. ۋەبب.
ەندى كومپانيا بۇل لينزالاردى كلينيكالىق تاجىريبەدە سىناپ كورمەك. الدىمەن جانۋارلاردى سىناقتان وتكىزگەننەن سوڭ، كوزى كورمەيتىن ادامدارعا قولدانۋدى باستاماق. قۇرىلعى نارىققا 2017 - جىلى شىعارىلماق، جاس مولشەرى جيىرما بەستەن اسقان ادامدارعا قولدانۋعا بولادى.
