قازاقستان مەملەكەتتىك رامىزدەر كۇنىن مەرەكەلەۋدە -فوتورەپورتاج
بۇل كۇنى قازاقستاننىڭ بارلىق وڭىرلەرىندە، استانا جانە الماتى قالالارىندا مەملەكەتتىك رامىزدەر كۇنىنە ارنالعان سالتاناتتى شارالار ۇيىمداستىرىلدى، ويتكەنى بۇل مەرەكە - تاۋەلسىز قازاقستان تاريحىنداعى ەڭ ماڭىزدى وقيعالاردىڭ ءبىرى.
مەكتەپ تابالدىرىعىن العاش اتتاعان ءبىرىنشى سىنىپ وقۋشىلارىنىڭ ءبىرىنشى، ماڭىزدى ساباعى قازاقستاننىڭ مەملەكەتتىك رامىزدەرىنە ارنالعان.
«مەملەكەتتىك رامىزدەر - بۇل ءبىزدىڭ مەملەكەتىمىزدىڭ، ءبىزدىڭ ەگەمەندىگىمىزدىڭ بەرىك نەگىزىنىڭ ءبىرى. ولار تاۋەلسىزدىكتىڭ قاسيەتتى بىرىكتىرۋشى وبرازىن بىلدىرەدى» ، - دەگەن بولاتىن ەلباسى نۇرسۇلتان نازاربايەۆ.
وسىنداي سالتاناتتى ماڭىزدى مەرەكەنىڭ تاريحى 2007 -جىلى 4 - ماۋسىمدا «قازاقستان رەسپۋبليكاسىنىڭ مەملەكەتتىك رامىزدەرى تۋرالى» كونستيتۋتسيالىق زاڭدى قابىلداعاننان كەيىن باستالدى. سوعان سايكەس جىل سايىن 4 - ماۋسىمدا ق ر مەملەكەتتىك رامىزدەرى كۇنى رەتىندە كەڭ كولەمدە اتالىپ وتەدى.
