ستۋدەنتتەرگە مەملەكەتتىك قىزمەتتە تاجىريبەدەن ءوتۋ جولى قيىنداپ بارادى - ە. بەكتۇرعانوۆ

 استانا. قازاقپارات - ستۋدەنتتەرگە مەملەكەتتىك قىزمەتتە تاجىريبەدەن ءوتۋ ماسەلەسى قيىنداپ بارادى. بۇل تۋرالى بۇگىن ورتالىق كوممۋنيكاتسيالار قىزمەتىندە وتكەن باسپا ءسوز ءماسليحاتىندا ق ر پارلامەنتى ءماجىلىسىنىڭ دەپۋتاتى ەرسۇلتان بەكتۇرعانوۆ ءمالىم ەتتى.

«ينستيتۋت بىتىرگەن ادام تاجىريبەدەن ءوتىپ ىسىلماعان بولسا، مەملەكەتتىك قىزمەتكەردىڭ كەڭسەسىنە تۇسكەندە ورىنداۋى ءتيىس ماسەلەنىڭ ءمانىسىن بىلمەي، ءبىراز قيىنشىلىق تۋدىراتىنى انىق قوي. ونىڭ ۇستىنە ولاردى مەملەكەتتىك تاپسىرىسپەن الىپ جاتساق تا، ستۋدەنتتەردى جۇمىسقا ورنالاستىرۋمەن ەشكىم اينالىسپايدى. جىل سوڭىندا بىزدە شامامەن 10 مىڭ جۇمىس ورنى بوس قالاتىنى بار»، - دەيدى ە. بەكتۇرعانوۆ.

ماجىلىسمەننىڭ مالىمەتتەرى بويىنشا، 54 ج و و باكالاۆر دايىنداسا، 28 ج و و ماگيسترلاردى وقىتادى. جىل سايىن 2,5 مىڭعا جۋىق باسقارۋشى دايىندالادى. دەگەنمەن، ۋنيۆەرسيتەتتەردە بىلىكتى وقىتۋشىلار جەتىسپەيدى.

«وعان قوسا، ولاردا مەملەكەتتىك ورگاندارمەن بايلانىسى جوق. ستۋدەنتتەرگە مەملەكەتتىك قىزمەتتە تاجىريبەدەن ءوتۋ ءۇشىن، «ەسىكتەردى جاعالاۋ» كەرەك جانە مەملەكەتتىك ورگاندارعا ءوتۋ وتە قيىن»، - دەدى دەپۋتات.

ونىڭ سوزىنە قاراعاندا، «بولاشاق» ستيپەندياتتارى دا وسىنداي قيىندىقتارعا تاپ بولىپ جاتىر.

«ولار وتە مىقتى دايىندالعان بىلىكتى ماماندار. بىرنەشە ءتىل بىلەتىن وسىنداي قۇندى قىزمەتكەرلەر جۇمىس تابا الماي ءجۇر»، - دەدى ە. بەكتۇرعانوۆ.

 اۆتور: جاسۇلان جولدىبايەۆ