15:28, 04 - ماۋسىم 2015 | GMT +5
قازاقستان كولىك ءدالىزىن ۇندىستانمەن جالعاۋعا نيەتتى - ەلباسى
استانا. قازاقپارات - قازاقستان ءوز كولىك ءدالىزىن ۇندىستانمەن جالعاۋعا نيەتتى. بۇل تۋرالى بۇگىن ق ر پرەزيدەنتى جانىنداعى شەتەل كاسىپكەرلەرىنىڭ 28- كەڭەسىندە ەلباسى نۇرسۇلتان نازاربايەۆ ايتتى.
«ءبىز قىتاي شەكاراسىنان كاسپيي تەڭىزىندە دەيىنگى 1500 شاقىرىمدىق جاڭا تەمىر جولىن توسەدىك. بۇل جول يران ايلاقتارمەن جالعاسىپ، پارسى شىعاناعىنداعى بارلىق مەملەكەتتەرگە شىعۋعا مۇمكىندىك بەرەدى» ، - دەدى مەملەكەت باسشىسى.
ق ر پرەزيدەنتىنىڭ اتاپ وتۋىنشە، بولاشاقتا ءدال وسى كولىك ءدالىزىن ءۇندىستاننىڭ باتىس بولىگىندەگى پورتتارمەن جالعاستىرۋ جوسپارلانىپ وتىر.
«بۇل جايىندا تاياۋ ۋاقىتتا ەلىمىزگە ساپارمەن كەلەتىن ءۇندىستان پرەمەر- مينيسترىمەن ۋاعدالاستىققا كەلەمىز دەپ ويلايمىن» ، - دەدى ەلباسى.
اۆتور: مارلان جيەمباي
