بىرىككەن اراب امىرلىگىندە اپتاپ ىستىق رەكوردتىق دەڭگەيگە كوتەرىلدى

استانا. قازاقپارات - بىرىككەن اراب امىرلىگىندە (ب ا ءا) رەكوردتىق كورسەتكىش تىركەلدى.

 Gulf News گازەتى حابارلاعانداي، ءابۋ- دابيدە ماۋسىمنىڭ باسى ءۇشىن رەكوردتىق دەڭگەيدەگى جوعارى اۋا تەمپەراتۋراسى تىركەلدى.

مۇندا سىناپ باعاناسى 50,5 گرادۋس ىستىقتىقتى كورسەتتى.

كۇننىڭ وسىلايشا اپتاپ ىستىق بولۋىنا ساۋد ارابياسىنىڭ ءشولدى اۋداندارىنان ىستىق اۋانى اكەلگەن وڭتۇستىك شىعىستان سوققان جەل سەبەپ بولدى. بۇل كليماتتىق جاعداي تۇرعىنداردىڭ دەنساۋلىعىنا كەرى اسەرىن تيگىزدى، دارىگەرلەردىڭ كومەگىنە جۇگىنگەندەردىڭ سانى ارتتى، دەپ جازدى باسىلىم. وسىعان بايلانىستى اق حالاتتىلار امىرلىك تۇرعىندارىنا شۇعىل مالىمدەمە جاسادى.

 ولار مۇمكىندىككە وراي دالاعا شىقپاۋعا، سۋدى كوبىرەك پايدالانىپ، كوپ قيمىلداماۋعا كەڭەس بەردى.