قازاقستان قۇراماسىنىڭ شابۋىلشىسى ءانشى قىزعا ۇيلەنۋ تۋرالى ۇسىنىس جاسادى
پورتالدىڭ مالىمەتىنشە، فۋتبولشى تاياۋدا ءانشىنىڭ «پوگوۆوري سو منوي» ءانىنىڭ كليپىنە تۇسكەن. رەگينا نيكولايدىڭ وعان ۇسىنىس جاساعانىن جانە ۇيلەنۋ تۋرالى شەشىم قابىلداعاندارىن مويىندادى.
«شىنايى ومىردە ول مۇلدە بولەك ادام. ول كەيدە بيازى، قامقور، سالماقتى. ءبىراق كەيدە مەنەن اسىپ تۇسەدى. مەن ءبىر عانا نارسەنى ايتا الامىن: بۇل ادامنىڭ قولىنان مەنى تىزگەندەۋ كەلدى. ءبىز كوليا ەكەۋمىز ءبىر ايداي كەزدەستىك جانە ول ماعان ۇيلەنۋ تۋرالى ۇسىنىس جاسادى»، - دەدى ول.
ال نيكولاي پەنگرين كوپ سوزگە جوق بولىپ شىقتى: «بارلىعى جۇمباق، قۇپيا كۇيىندە قالسىن. جەكە ءومىرىمدى جاريا ەتكىم كەلمەيدى. راس ايتامىن»، - دەدى ول.
ايتا كەتەيىك، وتكەن ماۋسىمدا پەنگرين 29 گول سوعىپ، ەلىمىزدىڭ چەمپيوناتىنىڭ ۇزدىك شابۋىلشىسى اتاندى. سونىمەن قاتار، ول قازاقستان قۇراماسىنىڭ تاريحىنداعى ەڭ ناتيجەلى ويىنشى بولىپ سانالادى. ول «تۇلپاردان» بولەك، الماتىلىق «قايرات» كومانداسىندا دا ويناعان بولاتىن.
