قاماۋعا الىنعان اقتوبەلىك دەپۋتاتتىڭ اقشاسىن ساناۋعا بەس ساعات قاجەت بولدى

استانا. قازاقپارات - اقتوبە وبلىسى ءماسليحاتىنىڭ دەپۋتاتى ءارى بىرنەشە كومپانيانىڭ يەسى مەيىرجان وندىرگەنوۆتىڭ قاماۋعا الىنۋى تۋرالى ءىستىڭ جاي-جاپسارى انىقتالدى.
None
None

كاسىپكەردىڭ بۇرىنعى سەرىكتەسى باۋىرجان ءپىرمانوۆ تىلشىلەرگە وندىرگەنوۆتىڭ قارجى ماحيناتسياسى جايلى ايتىپ بەردى، - دەپ حابارلايدى «دياپازون».

«قۇرىلتايشى وندىرگەنوۆپەن كەلىسپەۋشىلىكتەر كوپ بولدى، مەن 2012 -جىلى جۇمىستان كەتۋگە ءماجبۇر بولدىم. كەلىسپەۋشىلىكتەر سالىق سالۋ ىسىنە كەلگەندە باستالدى. ونىڭ ۇلكەن جاقتاۋشىلارى بولدى، ءبىراق قازىر ونىڭ باسى داۋعا قالدى. ول مەنىڭ ارىزىم ارقىلى بوپسالاۋ بويىنشا قاماۋعا الىندى. 2012 -جىلى مەن ءبارىن ونىڭ اتىنا جازىپ بەردىم. ول ءوز اتىنا جازدىرۋعا ءماجبۇر ەتتى، كولىكتى الىپ قويدى. ول ءبارىن ساتىپ الا الاتىنىن ايتتى. بۇرىن «اۆتوپارك» ج ش س-نىڭ كۇن سايىنعى تابىسى 5,6 ميلليون تەڭگە بولعان، جول ءجۇرۋ قۇنى قىمباتتاعاننان كەيىن شامامەن 8 ميلليونعا ءوستى. سونىمەن قاتار، جىل سايىن اۆتوپارك بيۋدجەتتەن 800 ميلليون تەڭگە الىپ تۇرادى. سالىق ەسەبىندە ول تاقىرعا وتىرعانىن مالىمدەيدى، ال بۇل تابىسى قىرۋار ج ش س. ول ەكى جاقتى بۋحالتەريا ۇستادى، قاراجاتتى كومپانياعا اۋداردى. ءتىنتۋ جۇرگىزىلگەندە ونىڭ قىرۋار قارجىسى تاركىلەندى. ونى ادامدار ماشينكامەن 5 ساعات سانادى»، - دەدى ءپىرمانوۆ.

ال اۆتوپاركتىڭ قازىرگى جۇمىسشىلارىنىڭ باسپا ءسوز وكىلدەرىنە ايتقان ءسوزى كەلەسىدەي بولدى. ولاردىڭ ايتۋىنشا، جۇمىسشىلارعا جالاقى تولەنبەيدى جانە ورىندالماعان جوسپار ءۇشىن ولاردىڭ موينىنا قارىز ىلىنەدى. «№15 اۆتوبۋسىندا جۇمىس ىستەگەنىمدە كۇن سايىنعى جوسپار 32 مىڭ تەڭگە بولدى، وعان 10 مىڭ تەڭگە وتىنعا قوسىلادى، - دەپ اڭگىمەلەيدى اۆتوپارك جۇرگىزۋشىسى مەيرامبەك وتەپبەرگەنوۆ. - مەن جوسپاردى ورىنداي المادىم، كۇن كورەتىن اقشا بولمادى، تابىستان 3 مىڭ تەڭگە الىپ تۇردىم، ءبىراق ماعان 5 مىڭ تەڭگە بەرەمىز دەپ ۋادە ەتكەن. قالعان 25-27 مىڭدى وتكىزىپ تۇردىم. جوسپاردى ورىنداۋ ءۇشىن جىندىشا ۇشۋىمىز كەرەك. №26 مارشرۋتقا اۋىسقانىمدا شامامەن ءبىر جىلداي جالاقىنىڭ بەتىن كورمەدىم. جوسپاردى ورىنداماعانىم ءۇشىن قارىزىمنىڭ جينالعانىن ايتتى».

ال تاعى ءبىر جۇرگىزۋشى نەمەرەلەرىمەن دالادا قالعانىن ايتتى. «2008 -جىلى اۆتوپارك جۇمىسشىلارى ءۇشىن اۋىلدا جاڭا ءۇي سالىپ بەردىم. اشىلۋ سالتاناتىنا اكىم ەلەۋسىن ساعىندىقوۆ كەلگەن ەدى. اي سايىن 32 مىڭ تەڭگە تولەپ تۇراتىنىمىزدى ايتقان. كەيىن بۇل سيفر 60 مىڭ بولدى. بۇل سومانى تولەۋ مۇمكىن ەمەس. وندىرگەنوۆ جۇمىسشىلاردى كوزگە كورىنبەس قاتەلىگى ءۇشىن پاتەردەن شىعاردى»، - دەپ مالىمدەدى نىعمەتباي ەرماحانوۆ.

ەسكە سالايىق، مەيىرجان وندىرگەنوۆ 30 -مامىردا اسا ءىرى كولەمدە قارجى بوپسالادى جانە ولتىرەمىن دەپ قورقىتتى دەگەن كۇدىكپەن ۇستالعان بولاتىن. دەپۋتات ەكى ايعا قاماۋعا الىندى. دەپۋتاتقا تاعىلىپ وتىرعان ايىپتاۋ باپتارى 7 جىلدان 15 جىلعا دەيىن مۇلكىن تاركىلەۋ ارقىلى باس بوستاندىعىنان ايىرۋدى جانە 200 ا ە ك كولەمىندە ايىپپۇل سالۋدى قاراستىرادى.

سوڭعى جاڭالىقتار