08:10, 04 - ماۋسىم 2015 | GMT +5
گولوۆكين مەنىمەن جەكپە-جەككە شىققىسى كەلسە، قويعان تالاپتارىما كەلىسۋى ءتيىس - ميگەل كوتتو
استانا. قازاقپارات - WBC تۇجىرىمى بويىنشا ورتا سالماقتاعى الەم چەمپيونى، پۋەرتوريكاندىق ميگەل كوتتو WBA (Super) ، IBO جانە (WBC (Interim تۇجىرىمدارى بويىنشا وسى سالماقتاعى الەم چەمپيونى، قازاقستاندىق گەننادي گولوۆكينمەن ءوزىنىڭ قويعان تالاپتارىنا كەلىسسە عانا جەكپە-جەككە شىعاتىندىعىن ايتتى.
«دەنيەل گيلمەن جەكپە-جەككە ول مەنىڭ قويعان تالاپتارىما كونگەن ەڭ اتاقتى سپورتشىلاردىڭ ءبىرى بولعاندىقتان شىعىپ وتىرمىن. ەگەر گولوۆكين جۇدىرىقتاسۋدى قالاسا، بىزبەن بىرگە وتىرىپ، اڭگىمەلەسىپ، قويعان تالاپتارىمىزعا كەلىسۋى ءتيىس. ەگەر كەلىسپەسە - جەكپە-جەك بولمايدى. مەنىڭ تالاپتارىمدى جاتتىقتىرۋشى فرەددي روۋچپەن بىرگە انىقتايمىز»، - دەگەن كوتتونىڭ سوزدەرىن كەلتىرەدى BoxingNews24.com.
6- ماۋسىمدا كوتتو برۋكليندە اۆستراليالىق دەنيەل گيلمەن رينگتە كەزدەسۋى ءتيىس.
