08:02, 04 - ماۋسىم 2015 | GMT +5
اباي مۋزەيى جاڭا ارحيۆتىك دەرەكتەرمەن تولىقتى
استانا. قازاقپارات - اباي مۋزەيى جاڭا ارحيۆتىك دەرەكتەرمەن تولىقتى، دەپ حابارلايدى ق ر مادەنيەت جانە سپورت مينيسترلىگىنىڭ باسپا ءسوز قىزمەتىنەن.
ابايدىڭ مەملەكەتتىك قورىق-مۇراجايىنىڭ قىزمەتكەرلەرى م. قايرامبايەۆا، ا. الدابەرگەنوۆا، ر. ەلەكەنوۆا ومبى قالاسىنا ىسساپارمەن بارىپ قايتتى. ءىسساپار بارىسىندا ومبى وبلىستىق مەملەكەتتىك تاريحي ارحيۆىندە زەرتتەۋ جۇمىستارى جۇرگىزىلدى.
سونىمەن قاتار ارحيۆ كىتاپحاناسىنداعى سيرەك كىتاپتار مەن XIX- XX ع ع. مەرزىمدى باسىلىمدار قاراستىرىلدى.
ومبى قالاسىنداعى رەسەي عىلىم اكادەمياسىنىڭ ەتنوگرافيا جانە ارحەولوگيا ينستيتۋتىنىڭ قىزمەتكەرلەرىمەن كەزدەسىپ، قازاقستان تاريحىنا قاتىستى دەرەكتەر الىندى.
ءىسساپار ناتيجەسىندە ابايدىڭ ءىنىسى وقىعان ومبى كادەت كورپۋسىنا، ابايدىڭ ۇلدارى ماعاۋيا جانە تۇراعۇلدىڭ ومىرىنە قاتىستى دەرەكتەردىڭ كوشىرمەلەرى الىنىپ، مۇراجاي قورى تولىقتىرىلدى.
