الىس جانە جاقىن شەتەلدەردىڭ جەتەكشى ماماندارى استانالىق دارىگەرلەرگە شەبەرلىك ساباقتارىن وتكىزدى
بۇل تۋرالى ق ر دەنساۋلىق ساقتاۋ جانە الەۋمەتتىك دامۋ مينيسترلىگىنىڭ باسپا ءسوز قىزمەتىنەن حابارلادى.
ءىس-شارا ماقساتى - ينسۋلت جانە كوپ جاراقات العان ناۋقاستاردى وڭالتۋدا يننوۆاتسيالىق تاسىلدەر ەنگىزۋ.
وقۋ-كلينيكالىق ورتالىق بازاسىندا مامىردىڭ 19-21- ارالىعىندا سەنت-لۋيس (ميسسۋري، ا ق ش) ۋنيۆەرسيتەتىنىڭ ورتوپەديالىق حيرۋرگيا دەپارتامەنتىنىڭ پروفەسسورى جولداس قۇلجانوۆتىڭ قاتىسۋىمەن تراۆماتولوگ، جەدەل جاردەم جانە قابىلداۋ بولىمدەرىنىڭ دارىگەرلەرىنە ارناپ «تىركەس جاراقاتتار كەزىندە مەديتسينالىق كومەك كورسەتۋدىڭ زاماناۋي ستاندارتتارى» تاقىرىبىندا شەبەرلىك ساباعى ءوتتى.
وقۋ بارىسىندا استانالىق دارىگەرلەر دارىستەر تىڭداپ، العان بىلىمدەرىن تاجىريبەلىك ساباقتاردا بەكىتۋگە مۇمكىندىك الدى.
20-25- مامىر ارالىعىندا 2№ قالالىق اۋرۋحانا بازاسىندا ي. پيروگوۆ اتىنداعى رەسەي ۇلتتىق زەرتتەۋ مەديتسينا ۋنيۆەرسيتەتىنىڭ بالالار انەستەزيولوگياسى جانە قارقىندى تەراپيا ءبولىمىنىڭ پروفەسسورى، سيمۋلياتسيا بويىنشا حالىقارالىق توپتىڭ (GISP) ۇيلەستىرۋشىسى، د- ر ۋگو لوايس ليەۆانو جانە گريگوري مورانون (مادريد، يسپانيا) گوسپيتالىنىڭ پەدياتريا جانە قارقىندى تەراپيا ءبولىمىنىڭ ماماندارى «قارقىندى تەراپيا، جەدەل كومەك جانە قابىلداۋ بولىمدەرىنىڭ مەيىرگەرلەرىنە ارنالعان مەيىرگەر ءىسى بويىنشا سيمۋلياتسيالىق كۋرس» شەبەرلىك-ساباعىن وتكىزدى.
وقىتۋ شارالارى مەديتسينالىق كومەكتىڭ ساپاسىن ارتتىرۋعا باعىتتالعان. تەوريالىق ازىرلىكتەن باسقا شەبەرلىك ساباقتارى بارىسىندا استانا قالاسىنىڭ بالالار ستاتسيونارلارىنىڭ مەيىرگەرلەرى ارناۋلى مانەكەندەردە كلينيكالىق وقيعالاردى ۇقساتا وتىرىپ، ءتۇرلى مەديتسينالىق امالداردى پىسىقتادى.
كۋرس سوڭىندا قاتىسۋشىلارعا سەرتيفيكاتتار بەرىلدى.
