بۇگىن رەسپۋبليكانىڭ كەي ايماقتارىندا وتكىنشى جاڭبىر جاۋادى

استانا. قازاقپارات - 4- ماۋسىم كۇنى قازاقستان تەرريتورياسىنىڭ باسىم بولىگىندە اتموسفەرالىق فرونتتاردىڭ وتۋىنە بايلانىستى كەي جەرلەردە نايزاعايلى وتكىنشى جاڭبىر جاۋىپ، ەكپىندى جەل تۇرادى.

بۇل تۋرالى قازگيدرومەت حابارلادى.

رەسپۋبليكانىڭ وڭتۇستىك جانە باتىس ايماقتارىندا اۋا رايى جاۋىن-شاشىنسىز بولادى. باتىس قازاقستان، قوستاناي، پاۆلودار، كۇندىز اقمولا وبلىستارىنىڭ كەي جەرلەرىندە جەلدىڭ كۇشى 15-20 م/س كۇشەيەدى. سولتۇستىك قازاقستان وبلىستارىنىڭ كەي جەرلەرىندە جەل 15-20 م/س كۇشەيىپ، تۇندە جانە تاڭەرتەڭ تۇمان تۇسەدى. كۇندىز اقمولا، جامبىل، اتىراۋ وبلىستارىندا، سونداي-اق الماتى، ماڭعىستاۋ، باتىس قازاقستان، اقتوبە، قوستاناي وبلىستارىنىڭ كەي جەرلەرىندە قاتتى ىستىق كۇتىلەدى.

الماتى، وڭتۇستىك قازاقستان، قىزىلوردا وبلىستارىنىڭ كەي جەرلەرىندە وتە جوعارى ءورت قاۋىپى كۇتىلەدى.