ماقتارالدا ەر بالا ايەل كيىمىن كيىپ قۇربىسىنىڭ ورنىنا ەمتيحان تاپسىرماق بولعان

ءبىلىم بەرۋ باسقارماسى باستىعىنىڭ ورىنباسارى سەرىك اۋەسحانوۆ ايتقانداي، تەست ناتيجەلەرىن جارامسىز ەتۋگە تۋرا كەلدى.
«ەندى ورنىنا ەر بالا تاپسىرۋعا كەلگەن وقۋشى قىز ۇ ب ت- عا بيىل قاتىسا المايدى. كەشەندى تەستىلەۋدەن تەك كەلەسى جىلى عانا وتە الادى»، - دەدى ول.
بۇل توسىن جاعداي وڭتۇستىك قازاقستان وبلىسىنىڭ ماقتارال اۋدانىندا №119 مەكتەپتە ورىن الدى. ۇ ب ت تاپسىرۋعا قىز وقۋشىنىڭ ورنىنا ونى ۇناتاتىن ەر بالا كەلگەن. جىگىت ءتىپتى، وسى ءۇشىن ەلدىڭ باسقا وڭىرىنەن كەلگەن بولىپ شىقتى. قىزعا ۇقساۋ ءۇشىن ول ايەل كيىمىن كيگەن. شاشىنا جاساندى شاش كيىپ، ازداپ بويانعان.
ايلاسىن اسىرماق بولعان جاس جىگىت عالامتوردا ايگىلى بولىپ ۇلگەردى. الەۋمەتتىك جەلىلەردەن ونىڭ سۋرەتىن تاماشالاۋعا بولادى. جەلى پايدالانۋشىلارى «قازاقستاندا ءوز سەزىمىن مۇنداي جولمەن دالەلدەگەن ەشكىم جوق» دەپ جىگىتتى قورعاۋ ۇستىندە.