08:03, 04 - ماۋسىم 2015 | GMT +5
قوستاناي وبلىستىق سوتىندا جاڭا تاعايىنداۋلار بولدى
استانا. قازاقپارات - قوستاناي وبلىستىق سوتىنىڭ جالپى وتىرىسىندا وبلىستىق سوت ءتوراعاسى ع. مىرزاكە وبلىستىق سوتتىڭ جاڭا سۋديالارىن تانىستىردى، دەپ حابارلايدى قوستاناي وبلىستىق سوتىنىڭ باسپا ءسوز قىزمەتىنەن.
قازاقستان رەسپۋبليكاسى پرەزيدەنتىنىڭ 2015 -جىلدىڭ 25 -مامىرىنداعى №29 -جارلىعىمەن نۇروۆ سەرگەي مۇرات ۇلى قوستاناي وبلىسىنىڭ مامانداندىرىلعان اۋدانارالىق ەكونوميكالىق سوتىنىڭ ءتوراعاسى قىزمەتىنەن بوساتىلىپ، مۋحتەيەۆا گۇلفيا كامال قىزى ءجىتىقارا اۋداندىق سوتىنىڭ سۋدياسى قىزمەتىنەن بوساتىلىپ قوستاناي وبلىستىق سوتىنىڭ سۋديالارى بولىپ تاعايىندالدى.
وبلىستىق سوتتىڭ سۋديالارىن تانىستىرعان سوت ءتوراعاسى ولارعا تابىستى ەڭبەك، سوت تورەلىگىن ساپالى جۇرگىزۋدى تىلەدى.
سونىمەن قاتار جالپى وتىرىستا وبلىستىق سوت سۋديالارى ق. وتەتىلەۋوۆ پەن ل. شەسنياكتىڭ وتستاۆكاعا شىعۋ قۇقىقتارى بەكىتىلدى.
