بەلگيالىق شەنەۋنىك قازاقستاندا پارا بەرگەنىن مويىندادى
1995-جىلى بەنستى بەلگيالىق Tractebel كومپانياسىنىڭ اتىنان قازاقستانعا ءىرى كاسىپورىندى باسقارۋ ءۇشىن ءىس-ساپارعا جىبەرگەن دەپ حابارلادى ر ي ا نوۆوستي RTBF تەلەراديو كومپانياسىنا سىلتەمە جاساپ.
بەنستىڭ بۇلايشا اعىنان جارىلۋىن بەلگيالىق وپپوزيتسيا تارابى جاقسى قابىلدامادى. ولار فلاندريا ايماعىنداعى ءبىرىنشى جانە ەكىنشى «دۋل» ا ە س رەاكتورلارىن پايدالانۋ مەرزىمىن 2025-جىلعا دەيىن ياعني 10 جىلعا ۇزارتۋ شەشىمىن قابىلداۋى ءتيىس اگەنتتىك باسشىسى بەنستىڭ ادىلدىگىنە كۇمان كەلتىرە باستاعان.
ا ە س اعىمداعى جىلدا تولىقتاي جۇمىسىن توقتاتۋى ءتيىس بولاتىن. الايدا بەلگيانىڭ فەدەرالدى ۇكىمەتى ەلەكترو ەنەرگيا تاپشىلىعىنىڭ الدىن الۋ ءۇشىن ونى پايدالانۋدى توقتاتپاۋ كەرەك دەگەن كوزقاراستى قولداعان. قازىرگى ۋاقىتتا بەلگيادا تەحنيكالىق سەبەپتەرگە بولا جەتى ەنەرگيا بلوكتارىنىڭ ۇشەۋى جابىلىپ قالعان.
AFCN بولسا بەنستىڭ مالىمدەمەسى اگەنتتىكتى باسقارۋ ۋاقىتىمەن ەش بايلانىسى جوق ومىرىندە باستان وتكەرگەن كەزەڭدەردىڭ ءبىرى عانا دەگەن پىكىردە. ولار بۇل جاعدايدان شۋ شىعارۋعا تىرىساتىندار ساياسي ماقساتتاردى كوزدەيدى دەپ ەسەپتەيدى.
Nur.kz
