بۇلتتى اۋا رايى كەزىندە كۇن ەنەرگياسىن جيناقتايتىن پانەلدەر

استانا. قازاقپارات - بالامالى قۋات كوزدەرىن ءوندىرۋ ونىمدىلىگى اۋا رايى جاعدايىنا بايلانىستى بولادى. االتو (فينليانديا) ۋنيۆەرسيتەتى مەن كاتالونيانىڭ پوليتەحنيكالىق ۋنيۆەرسيتەتى كۇن قاباعىنا قاراماستان، ونىڭ شاشقان ساۋلەسىنىڭ قۋاتىن بويىنا جيناقتايتىن باتارەيالاردى ويلاپ تاپتى.

 پانەلدەر قارا كرەمنيي تورشالارىنان تۇرادى. وسى ارقىلى قۇرامداس بولىك جارىقتى قابىلداۋدى %4- عا ارتتىرادى، دەپ جازادى espanarusa.com.

بۇل - وسى باتارەيالاردىڭ جالعىز ارتىقشىلىعى ەمەس. ولاردىڭ قارا تورشالارى پانەل قانداي بۇرىشتا ورنالاسسا دا، كۇن ساۋلەسىن قابىلدايدى. ءبىر قىزىعى، ولار ءتىپتى اۋا رايى بۇلتتى بولعان كەزدە دە جارىق يمپۋلستەرىن «اۋلايدى». باتارەيالارعا جيناقتالعان قۋات جويىلىپ كەتپەس ءۇشىن ولاردىڭ بەتكى بولىگىن جاۋىپ وتىرۋدىڭ دا كەرەگى جوق. قارا كرەمنيي تورشالارى بۇل ماسەلەنى دە شەشىپ، قارجىنى ۇنەمدەيدى.

www.24.kz